醉胡爐 (已搬遷) 新店位置

今晚放工諗住同朋友傾下公事，行下尖沙咀商場，無奈天氣實在太熱😪，又唔可以喺條街咁耐就一於去打邊爐♨️！喺柯士甸路見到醉胡爐個門牌咁大，吸引咗我哋入去試下佢嘅味道。😋樓底極高，有好多盞唔同大細水晶燈， 好似去咗維港睇幻彩詠香江。🎇✨好浪漫同埋有情調嘅感覺。👫椰青雞鍋🐥，佢哋呢度好得意嘅玩法🐣，係將半隻麻黃雞放喺銅鍋度再拎出嚟，serve我地既待應喺我哋面前炒咗幾十秒之後🤔，就落新鮮原個椰青水💙， 同埋鮮雞濃湯✌️。焗咗幾十秒之後，侍應就叫我哋一兩分鐘後食啲雞💝，可以保持鮮味，又夠嫩滑🏆。 如果再擺耐啲啲雞就會開始老冇咁好味。 嗰個椰青雞湯真係一流🤳，香味十足，椰汁味濃，消暑得嚟🤤，又清新爽口🤓。其實湯底都已經有成半隻雞，我哋食完雞飲完湯已經飽咗一半😚，所以諗住叫啲青菜，叫咗個大蔬菜拼盤🌿☘️。同埋稻庭烏冬，墨汁墨魚丸半份😝，魚皮餃手掣半份🌼。墨汁墨魚丸，仲黑過黑色筷子🤐，佢嘅墨汁比例應該都幾重，墨魚丸入口爽口彈牙😊，墨汁鮮香🌋⛰️， 自家新鮮手製嘅丸類，呢度真係畀好多個like👏。