肉肉大米

營業中

休息中

聽講肉肉大米長期都好多人排隊，今日特登過嚟沙田新城市朝聖！呢度嘅漢堡排可以自己DIY控制熟度，好玩又好食～現絞現煎和牛漢堡排，師傅喺我面前將九州黑毛和牛拍成厚實肉餅放落大鐵板去煎。煎到4-5成熟就放到我面前嘅小鐵板繼續加熱，同時會放西蘭花一齊煎。西蘭花好易燶，要不停反轉，肉餅底面煎到焦脆先夠香，我鍾意煎到7成熟，外脆內嫩啱啱好。今次期間限定牛油果套餐，有三款口味。芝士味：店員會即場刨大量芝士絲，堆到整座山咁誇張，芝士嘅香滑，為肉餅增加更豐富味道層次同口感，但唔會蓋過本身肉味。期間限定牛油果配他他醬同特調照燒汁，creamy口感同肉排出奇地夾，另肉餅非常juicy，完全係另一種食法。仲有8款醬料自由配，先將肉餅放飯面，等肉汁浸落珍珠米，加隻生雞蛋撈勻，再輪流試唔同嘅醬汁，燒肉醬，洋蔥醬，沙茶醬，黃芥未醬，蒜香辣椒醬等等，可惜肉餅太少了，好想食多幾塊。