肉肉大米

營業中

休息中

今次嚟到位於沙田新城市廣場人氣爆燈嘅肉肉大米，主打和牛漢堡排，餐廳採用開放式廚房，新鮮現絞同現烤，由門口位置可以觀賞到切肉手製肉餅過程，而吧台座位可以近距離觀賞廚師們烤製漢堡排嘅過程，食材新鮮。白飯嚴選日本虹煌米，米飯粒粒分明，口感煙韌。餐廳有8種醬汁同埋調味料可以自由搭配，包括燒肉醬、洋蔥醬、奧羅拉醬、蒜香辣椒醬、日式芥末鹽麴、沙茶醬、黃芥末醬同埋胡椒鹽。除咗主打嘅漢堡排，餐廳提供咗多項免費追加嘅食品，包括米飯、西蘭花同埋蜆肉湯，性價比高。3件漢堡排套餐和牛漢堡排選用九州黑毛和牛同埋美國牛肉混合製成，口感非常細膩，肉質鮮嫩多汁，表面煎至焦香，如果想再熟啲可以自己喺鐵板上再煎一煎。套餐附送日本生食用鮮醬油雞蛋，可以製作成美味嘅生蛋拌飯，蛋汁肉汁滲透每一粒米飯，好美味。和牛芝士漢堡排店員將和牛漢堡排烤好之後放上一片車打芝士，焗至半溶，然後店員再即時刨出芝士絲，達至雙重芝士衝擊，好有視覺效果，和牛漢堡帶有濃郁芝士鹹香同埋奶香。牛油果他他漢堡排最近餐廳嘅期間限定，牛油果他他漢堡排，牛油果口感幼滑，加上他他醬同埋特調照燒汁，非常惹味。

肉肉大米是人氣即烤漢堡扒店，全開放式廚房，坐在吧枱，看著廚師即製新鮮漢堡扒，令人胃口大開。有多款套餐選擇，包含熱湯、日本蛋及白米飯，十分滿足。📍3件漢堡排套餐（牛油果+原味+芝士）140📍3件漢堡排套餐（牛油果1件+原味2件）125廚師會把燒好的漢堡，放在個人的專屬鐵板上，香氣十足。再按個人喜好，調配醬汁及生熟程度。厚身的漢堡排，肉香誘人，外焦內嫩，肉汁豐盛，沾上蛋漿，入口更滑順吸引，拌飯一流。還有多款醬汁: 洋蔥醬、奧羅拉醬及胡椒鹽等，可以組合多種滋味配分。吃完一塊，廚師緊接放上另一塊嫩滑的漢堡扒，在席前刨上如初雪的芝士，令人垂涎。半溶焦香的芝士，配以啖啖肉汁的漢堡扒，增添豐富的口感，讓人陶醉。牛油果漢堡加上燒肉汁烹煮，肉香醇厚，伴以軟滑的牛油果，清新味蕾。鐵板西蘭花西蘭花可以任refill，在鐵板上輕輕翻炒，保持原汁原味，清新爽脆的口感，令人回味。番茄蜆肉湯清徹的湯汁，充滿番茄的酸甜，十分開胃，配上鮮香的蜆肉，美味濃郁。信州白桃汁100%果汁濃甜可口，沁出白桃的香氣，清爽細膩，帶來一絲清涼感。

漢堡每日新鮮現做 只將和牛優質的部位攪肉，成形後改置在冷藏庫後 再一個個人手燒 👍漢堡只用日本和牛同美國牛 每一件漢堡嘅牛肉味都好濃，而且肉汁爆滿非常Juicy嘅漢堡餐廳嘅食法好比較自由 可以按照自己喜歡的食法享受肉和米飯 呢度提供咗非常多嘅醬汁比 包括 洋蔥醬 奧羅拉醬 燒肉醬 照燒醬 胡椒鹽 沙茶醬 蒜香辣椒醬 日式芥末鹽糊 我揀咗三件漢堡嘅套餐 原味 芝士味 同牛油果味嘅漢堡 西蘭花 湯 米飯 都係任飲任食 ❤️原味漢堡 唔加任何醬汁已經好正 牛肉嫩滑 而且牛肉味好濃 食落非常Juicy 職員會將燒好嘅漢煲夾上自己專屬鐵板調校自己鍾意嘅 生熟程度 建議第一啖就禁食 先品嚐漢堡嘅原汁原味 🏆芝士味漢堡 好邪惡 漢堡 上面已經有一片芝士 廚師再係上邊加勁多現刨芝士 啱晒芝士迷 芝士係鐵板上放耐左 變成焦香芝士脆片 真係流晒口水 芝士漢堡扒可以配黃芥辣醬同奧羅拉醬一齊食 絕配❤️牛油果漢堡牛油果漢堡特別加咗燒肉醬落去一齊煮 令到燒肉嘅醬汁滲晒入漢堡扒裏便 一野倒落個白飯度 可以食三碗 真係好好味 簡直係白飯神偷📍肉肉大米(沙田)地址：沙田沙田正街18-19號新城市廣場一期1樓10

超多人排隊，我哋就試下佢係咪真係咁好食，在日本吃過另一家的漢堡扒，相對這一間只有外型似，完全不能比較，落差有點大。進餐廳前，先在門口處售賣機揀左想食嘅set先，然後揀漢堡扒數量再付款，之後就會有店員安排入座。店內環境寬敞，餐廳的設計是坐吧檯座位和開放式廚房，並在每位顧客面前放置迷你烤盤，讓顧客可以一邊品嚐美食，一邊觀看廚師的精湛手藝。店員首先上飯同麵豉湯，麵豉湯都有好多蜆肉，佢地嘅套餐有多種選擇，最多可以有三款漢堡扒，主打日本和牛漢堡扒同埋芝士和牛漢堡扒。套餐中仲有一隻醬油日本蛋、西蘭花、麵豉湯同埋白飯，白飯、西蘭花和湯可以無限追加。餐廳有2種套餐，一般係兩件漢堡扒或三件漢堡扒選擇，我哋兩公婆每人都叫左三件漢堡扒套餐！我自己就揀左$140三件漢堡扒套餐，牛油果漢堡扒、原味漢堡扒和芝士漢堡扒，呢個套餐就可以試曬三種唔同口味嘅漢堡扒。而老公就叫左另一個套餐$125三件漢堡扒套餐，一件係芝士漢堡扒，另兩件係原味漢堡扒。好快就上第一件漢堡扒，店員會將漢堡扒煎完之後放到顧客前面的鐵板，鐵板細細塊，上面還有三粒西蘭花伴隨，而西蘭花都係任添，西蘭花幾香，幾好食，我都添加左幾次。漢堡扒就因應自己喜歡生

宜家越黎越多地方可以食煎漢堡扒🍔🥩，今次試下呢間～佢地係內地人氣現烤漢堡扒🍔🥩品牌，佢地所有食材同製作工序都有講究，亦有開放式廚房，可以睇住廚師👨🏻‍🍳整漢堡扒🍔🥩，黎遠睇似迴轉壽司店都幾得意🤩 可以自己燒🔥決定幾熟都幾好挽👍🏻 全部都幾好食😋又抵食👍🏻佢地堅持用日本食材，漢堡扒🍔🥩既重量大約係95克，由九州黑毛和牛🐃既霜降同美國穀飼牛肉🐮混合製成，兼顧到油香同埋肉味～ 米飯採用日本東北既虹煌米🍚，餐廳會將玄米喺店入面現磨脫殼，煮出黎既飯🍚比較甘甜，軟綿Q彈～蛋🥚就用可以生食既日本鮮雞蛋🥚，口感滑溜香口，可以用黎撈飯🍚，亦可以點牛肉🐮食，兩樣都都正🤤 仲有好多醬料可以點，各有千秋～(5 😍 係滿分，🤩係半分） 3件漢堡扒套餐 (牛油果 + 原味 + 芝士) 🍔🥑🥩🧀 - $140 (好味指數：😍😍😍😍🤩)難得黎到就緊係想3個味都試曬啦😜 開頭店員會上左原味先，煎到5成熟再比食客，跟住可以喺鐵板🪨上面燒🔥，想食幾熟就煎幾熟～ 啲牛🐮肉味香濃，有油香又juicy，口感紮實彈牙唔會有筋～食完原味之後，店員就會上芝士🧀漢堡扒🍔🥩，除左上面有塊半融既車打芝士🧀之外，佢地仲會即場再刨芝士🧀，有觀賞

餐廳主打現烤漢堡扒，裝修簡潔，採用開放式廚房，可以欣賞師傅烹調過程。肉的口味和份量亦可自由配搭，十分貼心。. 3件漢堡排套餐（牛油果＋原味+芝士)$1403件漢堡套餐（1件芝士+2件原味） $125.漢堡扒選用由日本九州黑毛和牛和美國穀飼牛肉整成，而且份量不少，肉味香濃，充滿油香，配搭日本鮮雞蛋，口感更香滑。漢堡扒還可按個人喜愛的生熟度，再加以香煎。餐廳仲有好多醬料選擇，可按個人口味調配。.漢堡扒除了原味之外，更有多款特色口味，我們今次仲品嚐左新口味牛油果、芝士，牛油果口味感覺清新，芝士口味芝味十足，真的大推！套餐入面的西蘭花、白飯、湯都可以無限追加，性價比高。

今日係沙田大會堂演出完畢，就周圍覓食，一入商場就比香味吸引咗過嚟。🐂🍔和牛漢堡 
三件漢堡逐一現煎，由店員親自放到桌前鐵板，加熱保持最佳口感。🥩原味漢堡-厚實多汁，牛香突出，肉質軟嫩，可以按個人喜好加入桌上的燒肉醬、洋蔥醬等八款調味料，再加入生雞蛋撈飯。🧀芝士漢堡-即場現刨硬芝士，融化在漢堡上，鹹香濃郁，尤其建議等芝士半溶時入口，芝士與牛肉完美結合，香滑誘人。🥑牛油果漢堡（期間限定）-牛油果為和牛增添清新感，果香與肉香交融，減輕油膩感，口感豐富。✨無限添加之選
「肉肉大米」之性價比，白飯、湯及蔬菜全部無限添加。✨用餐體驗
開放式廚房令用餐充滿儀式感，每件漢堡現煎即食，再自己把控生熟程度。整體來說，氣氛輕鬆親切。總括而言，味道不錯，值得推薦！

最近去咗間超人氣日式漢堡扒燒專門店，真係一試難忘！餐廳係open kitchen設計，坐喺吧枱前望住師傅即叫即燒漢堡扒，香氣撲鼻，視覺同味覺雙重享受！🥩 *2件漢堡排套餐（牛油果＋芝士）*漢堡扒外層微焦，內裡juicy到爆汁！牛油果滑到好似cream咁，芝士溶化後黏住肉汁，每啖都係濃郁滋味，完全唔膩！🍚 *配上日式米飯＋日本生雞蛋*米飯煙韌有嚼勁，拌埋生雞蛋後變成金黃色蛋汁，滑到好似食緊雲朵咁～再加埋漢堡扒一齊食，簡直係靈魂組合！🍅 *蕃茄蜆湯*湯底酸甜清新，蜆味鮮香，飲完好開胃，仲有少少暖胃感～係套餐入面嘅隱藏驚喜！

我今日同朋友去沙田行街好鍾意食漢堡扒嘅我見到肉肉大米忍唔住去食呢間舖勁多人，要排隊攞飛等位雖然係即刻煎漢堡扒，但係入面唔會好多油煙一入到去坐店員已經會攞熱辣辣嘅飯同埋湯俾你男仔如果大食嘅話仲可以添飯同湯佢又會有晒指示教你用咩醬點漢堡扒食會好味啲朋友就點咗2件漢堡排套餐（牛油果＋芝士）我就點左3件漢堡排套餐（原味1件+芝士2件）普通原味嘅漢堡扒已經好Juicy佢放喺你面前煎嘅時候已經大概有五成熟跟住你就可以按自己喜歡嘅成熟度去煎煎完點埋佢哋個醬再加埋飯食係好滿足佢哋仲有隻生蛋俾你可以撈埋飯食而芝士味嘅漢堡扒就好瘋癲除咗黎嘅時候已經鋪咗芝士喺面佢仲會喺你面前瘋狂刨芝士，搞到好似有助芝士山鍾意食芝士嘅朋友一定要試而牛油果嘅感覺就好新鮮加埋特製嘅照燒汁感覺幾fresh仲有呢度除咗食漢堡扒，西蘭花都係任添㗎總括嚟講嚟呢度食一定會大滿足

第一次食「肉肉大米」有驚喜喎！原來佢都係日本過江龍🇯🇵主打現烤日本和牛漢堡扒飯，用咗日本和牛混美國牛，脂肪量比一般和牛低，食落去肉汁豐盈仲好鬆軟🐮撈生雞蛋食真係一流！芝士口味比相像中更邪惡🧀漢堡扒上已經有片厚熱溶芝士，加上即場刨到有山咁高嘅芝士絲，芝士控必試‼️ 自助醬料區提供多款醬汁選擇，可以自由調配口味，不過個人認為漢堡扒本身調味都夠唒😉套餐最平由$95起，已包2️⃣塊漢堡+無限添加蔬菜同珍珠米，更送日本生蛋同熱湯，性價比ok～⟡‧₊ 2原味漢堡套餐 $95⟡‧₊ 1原味 1芝士漢堡套餐 $110⟡‧₊葡萄柚梳打 $48

餐廳係日本物語集團旗下嘅品牌，主打即叫即製日式漢堡扒，無論係餐點、裝潢或烹飪方式同某間人氣日式漢堡扒店好相似，唯獨呢間價格親民，性價比高，被稱為平民版嘅小店。店內採用開放式廚房，搭配Bar枱設計，可望住廚師即叫即整，係視覺同味覺嘅雙重享受。漢堡排選用穀物飼養選上腦牛肉，混合九州黑毛和牛同美國牛肉，先煎五分熟後再放喺客人面前嘅鐵板上慢慢燒到自己喜歡嘅熟度，香氣四溢，入口即化，咬落Juicy，配埋粒粒飽滿嘅米飯、日本蛋液同湯，超好味！期間限定牛油果他他漢堡排有驚喜，淋上特調照燒汁忍唔住添多碗飯啊😆

發高燒+肚屙/腸胃炎，極度懷疑係因為食呢間🫠🫠🫠唔知點解，明明已經煮熟d肉，食完發燒仲以為自己問題，我係咁屙，就黎屙脫水咁款，可能係隻生蛋有問題，或者肉熟左都有細菌？最慘嘅係，食完之後仲要周身唔舒服，成幾日都冇精神，呢餐飯根本唔值，一d都唔抵食。啲肉餅完全冇特別，味道平平無奇，仲不如去超市買啲自己返屋企整。真係後悔死揀咗呢間餐廳，明明周圍有咁多好食嘅選擇，點解要浪費時間同錢喺呢度？一啲都唔值得，一定冇下次。

【原味漢堡】能享受牛肉本身旳味道，牛肉餅超級多汁，本身沒有調味，可自由DIY沾上各種醬汁和調味粉，混合配搭。【芝士漢堡】現場即磨芝士碎！都堆成小山了！芝士在鐡板上融化後，夾上牛肉餅，味道濃郁；部份芝士烤焦成芝士脆脆 或 做芝士西蘭花也讚！【牛油油他他漢堡】【夏日限定】今個夏日推出期間限定「牛油果他他」，微甜牛油果配上濃郁肉香嘅漢堡扒，想像不到的配搭，口感清爽減膩。CP 值不錯，不貴又飽肚，仲即點即做；食完一件先上另一件。

琴晚食呢間好hit餐廳，6:30去到勁多人排隊沙田難得仲係好旺不過真系幾有質素2塊漢堡扒，可以揀原味、牛油果🥑、芝士🧀仲有任食🍚、西蘭花🥦、番茄海鮮湯🍲，個湯好多料，算算地開胃。我都添左一次。講緊9x就有喔，三塊就貴15…每塊漢堡扒整到5成熟再擺鐵板比你自己整熱D。食完一塊再比第二塊。最特別係芝士，有兩種芝士，同塊漢堡扒好夾。牛油果都好味，有不同配搭有新鮮感。個漢堡扒又幾好食好juicy！不過食兩塊就剛好啦，太多就膩了。呢個價錢質素難怪咁多人啦！會encore👍🥢肉肉大米 🌏沙田沙田正街18-19號新城市廣場一期1樓108號舖

終於去了肉肉大米了, 果然沒有令我失望。吃了他們的和牛漢堡。首先餐廳的人流控制做得很好, 排隊有序, 而且不用排很久便可入內用餐, 感覺很好。食物方面, 果然是感覺很高級竹日勺漢堡，用和牛去製作已經是嬴在起跑線，它的味道非常獨特和有驚喜。和牛的肉質滑嫩，脂肪分佈很均勻, 肥瘦適中, 而且有一種豐富嘅肉香味，果然無可替代, 一咬下去非常多汁，口感好, 非常驚艷。最欣賞的是可以像chef table般看到漢堡的製作, 有參與感。看到漢堡煎至外脆內嫩十分治癒，鬆軟漢堡實在很美味, 不會過得肉質過分實淨, 是很難得的。是個完美的體驗。