胡爐 (已結業)

今日行開銅鑼灣時代廣場，發現附近原來有一間幾多好評的火鍋店。我就和我太太一起入去食火鍋，首先餐廳會提供麻辣雲耳，麻氣又好味！作為開胃菜啱晒！我哋叫咗招牌鮮椰青雞鍋，餐廳有專人為你用牛油炒香雞件，再加入白酒炒旺個鍋，之後加入新鮮椰青水及椰香味特濃的秘製湯底！煮熱後就可以食，非常好味道😋！雞件炒過，香滑無比，椰青湯底，鮮甜好味！我哋亦叫了牛肉拼盤，每一款牛都好特別，各有特色！桂花蚝新鮮好味！西洋菜同樣新鮮！黑松露蟹餃好有黑松露香味！特別！雲吞蝦肉大粒！全部值得一試！😌