Express Bar By Lassana (One Bay East宏利大樓) (已結業)

公司附近開多咗好多新嘅餐廳，海濱道呢一帶之前都冇乜選擇，而家開多咗好多，唔使行返出去牛頭角或者九龍灣食飯。今日去到宏利中心度食飯，見到一間新開嘅西餐外賣Cafe, 本身以為冇位坐，諗住攞走。原來佢有少量座位的，於是就選擇咗坐低食。本身諗住叫嗰三文治，因為唔算話好肚餓，但係個店員介紹我食即炒意粉，佢話喺廚師現場即炒，叫我試吓。咁我就叫咗個意粉，同時間叫咖啡有半價，於是我試埋佢個咖啡。試咗個即炒意粉，好香好有鑊氣，唔同一般茶餐廳只係倒個汁上去嗰啲。佢仲有沙律菜做伴碟，感覺好健康。杯咖啡質素都唔錯，再加上店員招呼有禮貌，整體感覺幾好，應該會有下次。