Ikigai Concepts (已結業)

網上睇相見到呢間新開既日本料理餐廳都幾靚，估唔到去到現場，環境比照片更加闊落同空間感大。連餐廳既裝修設計都好有日本感覺，好適合影相。下次要帶埋朋友一齊去影靚相😙今次我就試咗佢哋嘅招牌之一，炭燒牛舌丼，$118有埋味增湯，茶碗蒸，沙津配埋，一人餐黎講好豐富。牛舌係用備長炭即叫即燒，聞落好香，味道十足，加上牛舌好柔嫩， 完全唔韧，仲脆脆地。推介！沙律都非常新鮮，連味增湯嘅咸度都非常適中，茶碗蒸就非常有驚喜，好香蛋味，好嫩滑👍 感覺呢間餐廳嘅CP值都非常之高，值得再次光臨