泰巷 (已結業)

成日經過呢間餐廳都覺得啲嘢食好精緻，裝修又靚。終於可以過嚟試吓。一入到來，就覺得好舒服，因為地方好大每張枱都唔會好近而且沙發都好舒服泰式鳳爪，有好多舊，一個人係咁食都食唔完，味道來講對我係辣左少少不過好惹味，而且啲鳳爪好爽口，又夠凍，好正，啱晒呢啲天氣。生菜包，淨係見到個碟已經好開心，因為生菜擺得好靚，又好新鮮唔係啲爛菜。食落口啲肉碎唔會好油膩，又唔會好多水，但係都keep到咁juicy，好味道。