影片
更多
2021-02-21
3253 瀏覽
來了幾次下午茶，蔥油霸皇雞飯配白可樂是首選，還有梅菜扣肉飯，D汁撈飯超正！記住坐樓下卡位最正，首先侍應好招呼些，不會白鴿眼，兩點坐到四點半都唔會趕人走，坐得舒服自在，啱曬吹水！其次四個人下午茶才$168，冇加一、唔使新年利是、又免tips，用八達通付款十分方便！見隔離卡位二個女人叫了小菜套餐（要$268），咁碟雞是大大碟有隻全脾係正好多嘅！今次下午茶試吓梅菜扣肉拉麪，估唔到佢連麪上，溝浠了梅菜扣肉汁，風味盡失，非常失敗，扣佢一粒🌟！之前見過有食評👍湯拉麵，分開上、兼有兩條青菜，算啦，年初八，又剛回四人堂食，唔好投訴佢！走時去樓上洗手間，客已走曬、識埋燈。我友人也證實樓上是冇下午茶，他坐下時只有小菜牌，下午茶餐牌收埋晒，好在我醒目拉返友人落去坐卡位！我們是兩點鐘的第一枱客，樓下卡位任選，侍應馬上為我們開冷氣添！♨️
張貼