南瀛水產

一開𨋢門陣陣海鮮味已經撲鼻而嚟，好似去咗日本啲魚市場咁！呢間居酒屋主打日本地道磯燒以及壽司刺身料理，「磯燒」正正就係將海鮮保持原汁原味嘅燒烤做法，特選每天新鮮運送嘅時令食材，成個體驗非常高質。𖦹 蟹味噌甲羅燒️ $78由店員代烤嘅甲羅燒勁香，完全係坐喺度等食嘅狀態！松葉蟹膏充滿鹹香，與幼細嘅蟹肉絲、蟹籽以及鵪鶉蛋撈勻，蟹味喺口中大爆發。𖦹 南瀛卷 $298⁣蟹肉卷伴上馬糞海膽、拖羅蓉、甜蝦同三文魚籽，海膽食落鮮甜，完全無腥味，口感豐富。𖦹 東瀛五點盛 $368​​有爽口嘅甜蝦、鮮甜嘅三文魚、大隻嘅帶子、油香滿溢嘅油甘魚、魚香突出嘅赤身五款厚切刺身，大滿足。𖦹 南瀛玉子燒 $88玉子燒蛋味濃郁，入口綿滑，加上蘿蔔蓉多咗啲點綴，味道更上一層樓。𖦹 香蒜牛舌 $98呢個牛舌比平日食嘅軟腍，但同時保留咬口，蒜味牛味平衡得宜。𖦹 青蘋果乳酸 $68青蘋果雪到成嚿冰咁，酸甜爽口，解膩一流。𖦹 熱情菠蘿燒酎 $78去居酒屋又怎能沒有酒？燒酒撈埋兩款水果，酒味唔強烈，反而果味好重，甜甜地易入口。