翠林辣蟹舫

營業中

休息中

之前都食過一次呢間，嗰陣食完個避風塘炒蟹之後，對呢間餐廳一直念念不忘。於是今次就再黎食啦。🦞黃金流沙龍蝦 原價$588本身諗住黎食蟹嘅，點知黎到發現呢排龍蝦做緊半價優惠，半價之後只要$294就食到！勁抵食！於是即刻轉軚叫龍蝦食。本身都擔心佢會唔會將貨就價，點知龍蝦好大碟，件件都炸到外皮香脆，食到鹹蛋黃味但又唔會好鹹，啱啱好可以食到龍蝦嘅鮮甜味，好好食。🦪海味節瓜脯 $128呢個係餐牌上面冇嘅，係落單嗰陣店員推介，話係是日廚師精選嘅，咁所以我就試下啦。海味有瑤柱、海參、蠔豉同埋蝦乾。節瓜切成一塊塊，食落索曬海味啲汁，唔錯唔錯。🐷椒鹽一字骨 $128八折之後只要$102.4，一字骨啲肉都幾嫩滑，有大約六件。椒鹽幾香。今次食過呢到嘅龍蝦，覺得龍蝦好似仲正咁，因為龍蝦食落方便過啲，啱我呢啲懶人。