翠林辣蟹舫

營業中

休息中

今日要OT，收工時又有啲肚餓。一於同同事去公司附近嘅餐廳醫肚先，我地揀左近近哋嘅翠林辣蟹舫，知佢做緊半價優惠，無論食蟹定小菜都好味又抵食。去到門口見到有勁多名星同老闆合照，好多棒場客，包括我地！黎食嗰時都有啲晏，所以揀左食神炒飯同潮式酸菜魚，費時阻住人收工，蟹就留番下次再嚟試過啦！食神炒飯賣相好得意鋪左成條錦鯉，面上面仲有蟹子，誠意十足，味道都好有鑊氣！而潮式酸菜魚同平時食開嘅川辣酸菜魚有分別，魚肉切得較大同無太多油！相反酸味較重，辣度較少，都一樣好好味，用嚟餸飯揀值一流！下次一定早啲嚟，慢慢吮蟹，慢慢品嚐！