鍋処雪舟 (已結業)

平日都有經常到銅鑼灣,就快過年今日特別去辦年貨，行到肚餓搵嘢食，記起上次去雪舟鐵板燒，去錯樓下6樓，今日想起就來試吓，反正大家鐘意食日本料理。這裡環境舒服，兩個人叫咗兩份午餐，一份刺身八款，另一份是招牌飛驒牛肉鍋。先來三款迷你前菜，南瓜沙律味甜，好吃。刺身方面相當新鮮，照片中最右方的深海池魚少有吃到咁肥美，其餘七款是左口魚邊、甜蝦、bb吞拿、針魚吞拿魚腩、帶子、北寄貝，刺身套餐包括迷你沙律、麵鼓湯及白飯。飛驒牛肉十分肥美，熱辣辣即場 sabu sabu 好得，配烏冬、新鮮蔬菜。