影片
更多
2020-08-24
159 瀏覽
有D菜式係要出面食先OK，例如炒蟹啦，家陣晚市堂食未放寬，就趁今日放假午市去食坐係卡座相當寬敞舒服，又可以望到街景，開好茶，食住花生慢慢落單鎮店之寶嘅炒蟹，家陣做緊半價優惠，多款烹煮方法比你選擇，當然唔可以錯過啦幾款煮法都令人流口水，選擇困難症又出現啦.................最終選擇係......黃金流沙蟹原隻蟹以木架上枱，甚有氣勢隻蟹大約重斤二至斤四，全身被"黃金流沙"所遮蔽，變成黃金蟹神先由蟹蓋開始，用匙更"畢"黎食，有少少膏幾綿口，配以帶有淡淡咸蛋黃脆脆，雙重口感!跟住要開始嘗試蟹肉，肉質唔係"水"，味道相當鮮甜，配合大廚嘅炒功，超級惹味!好啦..........到重點環節出場.............睇下隻蟹鉗幾咁澎湃，D肉多到一個點，將佢成隻放入口一"算"，全部肉都輕易落進口中，超級滿足呀!食完咁好味嘅炒蟹，見到另一張餐牌寫住"半價優惠菜品"，你無睇錯，餐牌中嘅菜式全日做半價，咁嘅價錢點抗拒呀?! 又即管叫D試下呢客係順德小炒皇 ($128)，每間菜館都有自己風格嘅小炒皇，呢度打正係順德，材料包括蓮耦條，萵荀條，鯪魚煎餅，蝦仁，臘肉等調教味道得宜，個人歡喜用萵荀條
坐係卡座相當寬敞舒服，又可以望到街景，開好茶，食住花生慢慢落單
鎮店之寶嘅炒蟹，家陣做緊半價優惠，多款烹煮方法比你選擇，當然唔可以錯過啦
幾款煮法都令人流口水，選擇困難症又出現啦.................最終選擇係......黃金流沙蟹
原隻蟹以木架上枱，甚有氣勢
隻蟹大約重斤二至斤四，全身被"黃金流沙"所遮蔽，變成黃金蟹神
先由蟹蓋開始，用匙更"畢"黎食，有少少膏幾綿口，配以帶有淡淡咸蛋黃脆脆，雙重口感!
跟住要開始嘗試蟹肉，肉質唔係"水"，味道相當鮮甜，配合大廚嘅炒功，超級惹味!
好啦..........到重點環節出場.............睇下隻蟹鉗幾咁澎湃，D肉多到一個點，將佢成隻放入口一"算"，全部肉都輕易落進口中，超級滿足呀!
食完咁好味嘅炒蟹，見到另一張餐牌寫住"半價優惠菜品"，你無睇錯，餐牌中嘅菜式全日做半價，咁嘅價錢點抗拒呀?! 又即管叫D試下
呢客係順德小炒皇 ($128)，每間菜館都有自己風格嘅小炒皇，呢度打正係順德，材料包括蓮耦條，萵荀條，鯪魚煎餅，蝦仁，臘肉等
調教味道得宜，個人歡喜用萵荀條配以臘肉一齊食，鮮甜味中和臘肉嘅咸香味，配飯食真一梳!
而呢度竟然有黃酒煮鮮鷄 (半隻/$168)，好耐都無食過啦，上枱時比佢嘅份量嚇左一跳，咁大鍋嘅?!
呢鍋煮鷄材料相當豐富，除左鮮鷄件外，仲有大量洋蔥，薑及紅棗，配以黃酒及酒糟煮起嘅湯底，最忠於傳統仲有煎蛋係面頭，真係超級足料，誠意之作!
先飲啖湯，濃香酒味但唔會令人有唔舒服感覺，之後再有紅棗及鷄肉嘅甜味，不同味道層次共治一鍋
鷄肉唔會煮到嚡口，一啖湯一啖鷄又一啖煎蛋，感覺實在得黎又補身，呢個時候更要令自己身體健康，估唔到比我地係呢度遇到佢!
呢餐午飯令人滋味又滿足，打以半價優惠，笑住埋單!
張貼
