The Place

一行四人平日午市自助餐，$388有75折，長者有優惠。我哋四個都愛蠔，所以覺好呢個價錢都好抵啊！唔記得是哪款蠔，不是肥美的一款，但亦不瘦削，味算鮮，不過師傅洗不乾淨，經常有蠔殼，扣分了。每次限取3隻，很合理，過到口癮，而且不會大排長龍。刺身有三文魚、希靈魚、八爪魚同白色常見但唔記得名，正常貨，特別是八爪魚不會太靭。讚👍🏻！扒類，我覺得很一般，又鞋又不濃肉味。反而凱撒沙律🥗幾好食。巴東牛肉也入味及夠淋。德國豬手皮脆肉嫩，我都食了多件。甜品選擇不算多，大路野，兩三款馬卡龍、桂花奶凍、藍莓芝士蛋糕、柚子撻、士多啤梨奶凍等等。我們都讚桂花奶凍，不太甜而滑。藍莓芝士細細件、芝士滑。還有榴櫣班戟，細細件，但我覺得很一般，榴蓮少，皮多而厚，亦不香。我們反而鍾愛movenpick 雪糕，有許多不同味道，又滑又不會太甜(對比H字頭）。我們都覺得這餐很抵，環境舒適，但若不食蠔，可能選擇其他地方為合。