瀛豐放題料理專門店

❣️午市狂擦瀛豐放題海鮮盛宴！必食$148追加任食奄仔蟹❣️同爸爸去銅鑼灣瀛豐放題料理專門店食午市放題😋本身諗住平平地食個set lunch，但見到放題加$148就可以任食清蒸奄仔蟹，即刻升級🌟第一時間更係點南仔蟹🦀每隻都係爆膏狀態，蒸得啱啱好，蟹肉鮮甜到震，仲要無限refill😍三文魚腩刺身盤係必點！厚切到似壽司飯咁厚，油脂甘香入口即溶。極品海鮮拼盤上枱仲有乾冰效果，打卡一流！海膽帶子鮮甜無腥味，泰式燒元貝超大隻，淋滿蒜蓉牛油，連殼啲汁都要啜乾淨！生蠔夠哂creamy，我哋encore咗三轉😆估唔到放題嘅熱食都咁高質！乾炒泰式金邊粉鑊氣十足，酸甜辣度平衡，椒鹽九肚魚外脆內嫩，咬開仲有魚汁爆出嚟，好食過好多大牌檔😚雖然飽到上心口，但一定要留肚食埋佢哋甜品😍 有多款唔同口味香港製造嘅CoCo Berry雪糕，蛋糕、糯米糍、山水豆腐花任君選擇😋