影片
更多
2016-11-07
200 瀏覽
連續兩日去左灣仔潮洲滷買滷味，不過尋日拎番屋企果盒比我再搖又搖整到好核突，比我媽話梗係啦，行左5個鐘街先拎番黎，唔似星期六果日買完即番屋企😑話說我點解去潮洲滷買滷味? 講起黎都係皆因上兩個星期左右同朋友食晚飯，途經石水渠街時聞到陣好濃郁既滷水味，而且夜晚七點幾仲有十幾個人排隊買，我諗應該好食所以先會咁多人捧場，不過果日趕時間食飯冇去買黎試，但深深留下潮洲滷既香味印象。咁岩星期六正正係姨甥女滿月之喜，我又出左黎灣仔，下晏有親戚上黎屋企探姨甥女，作為姑媽既我自然想買料加餸賀賀。阿媽話識食滷味既當然要買滷水鵝，所以我就買左一斤鵝，一啲豬腸，滷水蛋同豆腐。師父刀工超好，原本一大斤既原隻鵝經師傅多年累積經驗既巧手將鵝切得薄薄，每件份量相當平均。👍家人有讚無彈鵝肉，滷汁甘醇香甜，滷得入味，從鵝肉到鵝骨每處都滿佈滷水香濃，肉質鮮嫩彈牙，連弟婦既幾歲小表妹都食到唔停口。阿媽難忘鵝肉越嚼越香，所以星期日我又黎買，話我媽覺得同出面食開好唔同，特別鮮，再問師父點解啲鵝咁好味，用咩料煮滷汁同係啲乜鵝黎。師父話啲滷汁就係秘密，不過用左好多唔同香料調製，鵝就採用獅頭鵝，而鵝公鵝乸既肉質都各有好食之處。至於豬腸既美
話說我點解去潮洲滷買滷味? 講起黎都係皆因上兩個星期左右同朋友食晚飯，途經石水渠街時聞到陣好濃郁既滷水味，而且夜晚七點幾仲有十幾個人排隊買，我諗應該好食所以先會咁多人捧場，不過果日趕時間食飯冇去買黎試，但深深留下潮洲滷既香味印象。
咁岩星期六正正係姨甥女滿月之喜，我又出左黎灣仔，下晏有親戚上黎屋企探姨甥女，作為姑媽既我自然想買料加餸賀賀。阿媽話識食滷味既當然要買滷水鵝，所以我就買左一斤鵝，一啲豬腸，滷水蛋同豆腐。
師父刀工超好，原本一大斤既原隻鵝經師傅多年累積經驗既巧手將鵝切得薄薄，每件份量相當平均。👍家人有讚無彈鵝肉，滷汁甘醇香甜，滷得入味，從鵝肉到鵝骨每處都滿佈滷水香濃，肉質鮮嫩彈牙，連弟婦既幾歲小表妹都食到唔停口。
阿媽難忘鵝肉越嚼越香，所以星期日我又黎買，話我媽覺得同出面食開好唔同，特別鮮，再問師父點解啲鵝咁好味，用咩料煮滷汁同係啲乜鵝黎。師父話啲滷汁就係秘密，不過用左好多唔同香料調製，鵝就採用獅頭鵝，而鵝公鵝乸既肉質都各有好食之處。
至於豬腸既美味僅次於滷水鵝，豬腸處理得好乾淨，完全冇腥味，滷汁滷得透徹，且有嚼勁，我最愛食。
豆腐乾外層滷得挺身，內裡豆腐小孔吸索濃厚既滷汁，沉香入味，難以抵擋其可口。
滷蛋蛋白有彈性，一口咬落香味撲鼻，食滷味要有滷蛋，感覺先係最完整。
如果覺得味道唔夠可以加醬料調味，家人同我都覺得味道岩岩好，所以都冇加到。
除左有滷水鵝賣，呢度仲有滷水鴨賣。
潮洲滷既滷味一食難忘，相信之後再黎開灣仔阿媽一定又黎要加料。
張貼
