鹵家 (已搬遷) 新店位置

知道呢間店d野會好快賣哂，所以一早叫左朋友去排隊，落左單要叉燒，拼盤，醉雞卷等，之後朋友就一直等，都知佢會做左堂食客先，所以等左成粒鐘都無講d乜。但等左成粒鐘後老細終於做我地張單個陣佢竟然話叉燒賣哂！我地一個鐘前已經落左單呢一個鐘內不斷有叉燒出比堂食客，然後到我地個陣你同我講話賣哂。我知你做左堂食先，但我一早黎到落左單如果你係無既可以一早出聲，我可以唔等，而唔係等左成粒鐘到最後比哂人先同我講賣哂囉。外賣都係客可唔可以公平少少，如果係咁唔該你地唔好做外賣喇。咁既玩法，野食再好都係一肚氣，無下次。