文華饕記 (已結業)

灣仔返工，好難搵食，食黎食去都係幾間，見到新餐廳諗住試吓發掘新野，點知伏到核爆，難食指數爆燈，頹飯之中稱冠。同事叫咗個咖哩海鮮炒飯，成碟飯得一小粒鮮魷，可以講只係用咖哩汁黎炒咗個白飯。熱奶茶方面，味道淡口又唔滑，而我嗰碟泰式豬脾，皮多肉少又多膏，好明顯唔係豬脾，個汁得個色，係無咪嘅，食咗兩啖我加咗辣椒油至叫做有啲味。仲有個咖哩牛腩，又係”鞋"嘅，大x活好佢100倍，總括黎講份量少又難食，以後唔會幫襯，未試過都唔好浪費金錢去試，一蚊都比多佢。評分方面一星都唔想比，我會評為各項負10粒星。