我愛慢煮 (普慶坊) (已結業)

同屋企人去了我愛慢煮普慶坊分店chill下，可能因為位置冇孖沙街分店咁就腳，呢度多咗分悠閒。繁忙時間都唔算好多人， 更加relax。先來兩杯特飲，一杯係西柚青檸特飲，一杯係荔枝接骨木梳打特飲, 好清新。叫咗一客法式油封鴨髀，上桌有兩大隻鴨髀 ，分量足。鴨髀肉質嫩滑，鴨味好濃，啖啖肉。墨西哥粟米花令我一試難忘，粟米本身香甜加上惹味嘅調味，真係好正，好想再食。 番薯條喺呢度嘅推介，一定要叫，番薯香甜，而且炸得鬆脆又唔油膩，好讚。最後來過慢煮白酒菠蘿，菠蘿嘅果香中滲出白酒嘅酒香，上面仲有啲焦糖，100分。