申、居酒屋 (已結業)

今星期覺得自己好勤力，所以要獎勵自己食餐好野。約左友人黎到天后申居酒屋。入到餐廳，燈光柔和，中間可以清楚見到廚師製作美食既過程，更能增添品嘗食物體會。原本打算食omakase,不過想品嘗更多食物，決定自選。枝豆，凍蕃茄🍅好喜歡申居酒屋嘅呢款日式凍蕃茄， 以柑橘醬油漬後， 配以日本雙色海藻伴碟， 淨係賣相已經滿分，味道清新開胃。海藻口感爽口， 營養價值亦相當豐富，可以抗衰老及降膽固醇， 絕對係開胃前菜嘅首選。尼度既枝豆飽滿有肉，味鮮。串燒:點了極黑牛小排，豚肉蘆荀，京葱雞肉大啡菇，文化燒牛莉和手造豆腐。雖然現場燒，但完全🈚油煙味，通風系統好好。上檯，碟好靚，賣相吸引。極黑牛小排肉香質嫩。豚肉蘆荀燒完仍可品嘗到蘆荀汁。另外有驚喜既不得不講文化燒牛莉，牛油果🥑同牛莉真係好夾，感覺入口即溶。串炸物:南瓜，炸秋裝，炸吉列穴子。首次食到甘好既炸物，外層粉如薄紗，食落去外脆得黎又可以突出食物既味道。南瓜🎃形狀似長方形糖，味道粉甜。甜品牛油蕃薯伴雪糕番薯炸過下，金黃色帶焦香，雲尼拿雪糕好味。柚子雪葩有驚喜，好清新，柚子味十足，微酸小倉豆腐原來豆腐配紅豆都好襯，豆腐與別不同，攪拌了微粒，好有心思創新。整