影片
更多
2019-08-05
401 瀏覽
一直心思思想食芋圓，因為佢開港島區所以就搵到呢一間台式料理店，個名都幾有趣。室內嘅裝修都幾有心機同心思，而啲擺設同埋用具都好有特色，淨係睇裝修已經好夠。首先我哋叫咗兩個前菜，一個係台式香腸$32 同埋涼拌青瓜$20。台灣腸就冇乜好特別介紹同平時食開嘅味道一樣，但好少會俾埋生蒜頭你，原來gag埋生蒜頭食味道係咁好，香腸嘅甜味中和左蒜頭嘅辣味，以蒜頭嘅味道亦都令香腸更加香。青瓜就好夠麻辣味，調味唔會過鹹或者過甜， 剛剛好，青瓜亦都很入味。之後叫咗一杯百香果綠茶$20，茶味同百香果味都好夠，唔會奇怪。主菜就叫咗個滷水拼盤$32 ，同埋個懷舊滷肉飯$39。個拼盤唔會好鹹，亦都有好香嘅滷水味，裏面有牛展，雞翼，豆腐，雞蛋，豬耳，特別一提係個豬耳好爽口彈牙。你個滷肉飯啲滷肉好多，滷肉汁味道剛剛好唔會好鹹同埋好甜，加埋個飯食就剛剛好，啲汁亦都唔會多到整濕晒啲飯。到我哋好期待嘅芋圓出場了$35 ，裏面有三種色嘅芋圓，分別係番薯味，紫薯味，芋頭味。另外仲有珍珠，涼粉，同豆腐，糖水有少少甜，份量都好充足仲有幾粒冰喺上面消暑就一流。整體上面啲嘢食性價比好高，味道唔錯，價錢亦都好相宜，裝修亦都好靚，係一個幾好
一直心思思想食芋圓，因為佢開港島區所以就搵到呢一間台式料理店，個名都幾有趣。室內嘅裝修都幾有心機同心思，而啲擺設同埋用具都好有特色，淨係睇裝修已經好夠。
首先我哋叫咗兩個前菜，一個係台式香腸$32 同埋涼拌青瓜$20。台灣腸就冇乜好特別介紹同平時食開嘅味道一樣，但好少會俾埋生蒜頭你，原來gag埋生蒜頭食味道係咁好，香腸嘅甜味中和左蒜頭嘅辣味，以蒜頭嘅味道亦都令香腸更加香。青瓜就好夠麻辣味，調味唔會過鹹或者過甜， 剛剛好，青瓜亦都很入味。
之後叫咗一杯百香果綠茶$20，茶味同百香果味都好夠，唔會奇怪。
主菜就叫咗個滷水拼盤$32 ，同埋個懷舊滷肉飯$39。個拼盤唔會好鹹，亦都有好香嘅滷水味，裏面有牛展，雞翼，豆腐，雞蛋，豬耳，特別一提係個豬耳好爽口彈牙。你個滷肉飯啲滷肉好多，滷肉汁味道剛剛好唔會好鹹同埋好甜，加埋個飯食就剛剛好，啲汁亦都唔會多到整濕晒啲飯。
到我哋好期待嘅芋圓出場了$35 ，裏面有三種色嘅芋圓，分別係番薯味，紫薯味，芋頭味。另外仲有珍珠，涼粉，同豆腐，糖水有少少甜，份量都好充足仲有幾粒冰喺上面消暑就一流。
整體上面啲嘢食性價比好高，味道唔錯，價錢亦都好相宜，裝修亦都好靚，係一個幾好嘅台式料理食店。我哋啲嘢都食唔晒，真係唔知9分飽，係10分飽！
張貼
