四寶食堂

營業中

休息中

每次提到港式餐廳不得不提「四寶食堂」，餐廳裝修以Tiffany blue作為裝修主調顏色，主色調用上湖水藍，色調柔和舒適，感覺清新舒服，座位都好寬闊，有唔少卡位，屬於新派茶餐廳。門口位還保留最大特色……麵包櫥窗，係半開放式做麵包外賣。因工作關係在這附近食早餐，看到評論不錯就來試試……招牌餐（香濃沙嗲牛肉麵+嫩滑炒蛋+每日精選餐包）四寶食堂嘅沙嗲牛麵真係一絕，出面好多嘅沙嗲牛麵通常都係落味精蓋過沙嗲味。但四寶唔同，佢嘅沙嗲牛麵未食已經聞到濃郁嘅沙嗲味。食物好快就上枱，牛肉有咬口唔會嗱到鬆晒，份量甚多，麵條煮得爽彈，沙嗲汁香濃有花生粒，將啲麵撈勻落去沙嗲汁度味道啱啱好，讓人忍不住大快朵頤，比起一般茶記質素高。煎雙蛋就正常，麵包係比較少見嘅墨西哥包，頂層嘅白霜奶味濃郁，甜甜地仲要係實心包，幾好食又特別，真係無得輸。我個人覺得呢個早餐真係好抵食，牛肉份量多，炒蛋仲可以轉做煎雙蛋。總結：環境十分乾淨整潔，侍應服務非常週到，性價比極高，咁嘅價錢有咁嘅份量仲要係高質素，難怪人氣鼎盛排長龍。