117
3
4
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
平時同屋企人都好鍾意食四寶嘅早餐，炒蛋好滑好高質，廚房功力唔錯👍🏻 水吧都唔錯，檸茶一流今日媽咪唔想煮飯，於是就落咗去試吓佢嘅晚餐，叫咗四個養生燉湯晚餐，再炒多咗個菜。👉🏻養生燉湯呢個係全晚嘅重點！超好飲，係用排骨去煲，啲肉都食得。餐廳仲用咗桃膠，超級滋潤，做到好濃稠嘅口感！飲完覺得好補，同埋好夠熱！👉🏻晚二：麻辣四季豆炒豚肉惹味鑊氣之選，肉仲多過菜🤣 1:1，啖啖肉，而且質素唔錯，冇乜豬嘅騷味！辣道啱啱好～👉🏻晚三：星洲醬金薯豬扒呢個好有驚喜！因為睇個名唔係好知係咩醬，又唔知咩係金薯🤣個醬係酸酸地，金薯原來即係番薯，兩樣嘢加埋酸酸甜甜，勁開胃！雖然豬扒都好好食但係個番薯真係變咗重點🤤👉🏻晚四：脆瓜炒斑球翠玉瓜炒魚～簡單菜式，菜同埋魚都好新鮮👍🏻👉🏻晚六：豉椒炒蜆啲蜆好新鮮，份量唔少，亦都唔會太鹹👍🏻👉🏻薄荷菜心苗炒黑豚肉啲菜好嫩口，豬肉都炒得啱啱好！但唔太食到薄荷味🤣整體都幾好食，同埋我勁鍾意呢間餐廳嘅顏色🤣 唔似普通茶餐廳咁頹！
繼續閱讀
茶餐廳裝修行新派路線，用上 Tiffany blue 顏色為主，加上 Tiffany blue 的卡位，真係唔覺得自已食梗茶餐廳除左多款經典必食推介，喜哥蔥油豬扒煎蛋飯、沙嗲牛肉麵、招牌炒蛋、招牌炒蛋叉燒飯、鮮茄牛肉通粉仲有多款摩登家常小菜，創新得黎又特別，總有一款岩大家口味食品方面 :拔絲山渣汁菠蘿咕嚕肉西班牙豚肉 : 餐廳招牌菜，酸酸甜甜山楂汁配上西班牙豚肉制成咕嚕肉香脆可口，外脆內軟，開胃惹味，再加上用火槍輕輕燒過既新鮮切件菠蘿，令菠蘿焦糖化，賣相十分精緻低調沙嗲金菇封門牛柳粉絲煲 : 封門牛柳厚身又大塊，牛味濃郁、肉質軟淋，沙嗲沙茶醬味比較重，金菇粉絲吸收曬醬汁味道，粉絲控不動錯過星加坡醬油黑胡椒炒粉絲大蝦煲 : 有三隻蝦肉鮮甜又啖啖肉大蝦，粉絲加入星加坡醬油及黑胡椒炒後，粉絲有咬口又惹味，食完熱辣辣一人前養生燉湯晚餐 (包括主菜 + 燉湯 + 白飯 + 飲品)川式麻辣四季豆炒黑毛豬 : 黑毛豬份量足，用川式麻辣醬四季豆及黑毛豬，味道少辣，夠曬鑊氣木瓜桃膠排骨湯 : 燉湯加入大大塊木瓜、大量桃膠及燉到軟滑既排骨，味道清甜，美味的養生燉湯阿華田雪山 : 阿華田味道濃郁，加上大量忌廉，非常邪惡雪山紅豆冰 : 紅豆份量多，加入椰汁及忌廉，唔會太甜，不錯的特飲
繼續閱讀
人來人往之《四寶食堂》今早出完妝，梗係要對自己好d，所以同拍檔都要食好d，去左茶記既《四寶食堂》，早餐都要排隊就知食野真係唔差得去邊，都唔係等左好耐位，等左5mins左右就入得，早餐都幾多野揀，我同拍檔叫左：雞扒炒蛋配出前一丁、美式薄牛扒配出前一丁(加左塊午餐肉)、墨西哥包雞扒同牛扒份量算大塊，雞扒幾滑，牛扒出色一d都唔韌，炒蛋非常滑，公仔黎講出前一丁一向無得輸，面質爽，午餐肉係厚切，墨西哥包內有奶黃餡料，口感同味道豐富。
繼續閱讀
四寶食堂越開越多，今次去咗炮台山分店食晏，晏晝一樣要排隊，不過好快就入到去喇。呢間分店仲有麵包賣，估唔到連麻糬包都有喎！午餐都好多元化，價錢都合理。喜哥蔥油豬扒太陽蛋飯（$65）- 呢係個係招牌菜，所以一定要嗌。煎豬扒勁厚身，仲係即叫即煎食落有口感得嚟仲唔覺硬同鞋。加埋隻太陽蛋，蛋汁撈飯無得頂。皇室咖哩牛肋肉飯（$68）- 咖哩好香好惹味，牛腩又腍又入味，份量都唔少，就連薯仔都畀咗好多，餸飯食一流。
繼續閱讀
星期日3點幾到，排咗15分鐘隊到就可以入去。下午茶餐又平又多選擇：1. 瑞士汁黑毛豬扒炒公仔麵（$52）88/100居然唔係用平時一般嘅啲豬，係用黑毛豬，材料比一般茶餐廳靚，但係價錢都係52蚊，超值！個瑞士汁好好味，有八角花椒嘅香味，唔係死咸，豬扒同啲麵入曬味，推介！2. 香煎香草豚肉眼配炒蛋及沙律 （$45）92/100豚肉眼特別淋，但唔係嗱到鬆晒嗰隻，都好香豬味，炒蛋好滑，正！3. 瑞士汁雞脾配菠蘿油（$42）95/100見到差唔多枱枱都有叫菠蘿包或者菠蘿油，所以試下個下午茶餐搭隻瑞士雞髀，菠蘿油真係好出色，菠蘿層皮好脆，個包好軟熟，夾咗一大塊牛油真係超超超好食，必食推介！4. 蛋撻（$9）95/100層皮鬆脆，蛋漿好香蛋味，好好食！
繼續閱讀
您可能會有興趣的...