影片
更多
2022-07-31
222 瀏覽
收工後想小酎一番，經朋友推介嚟到呢間主打燒鳥嘅居酒屋，一啖串燒一啖啤酒先至夠Chill！餐廳位於炮台山AIA Tower，位置不太起眼，但整晚坐無虛席，熱鬧嘅氣氛好有日本地道小店feel🇯🇵• 火炙海膽魷魚卷 $168海膽同魷魚一向都係絕配！爽口嘅魷魚刺身卷住香甜creamy嘅海膽，兩者融為一體超好味！• 煙燻鰹魚 $168鰹魚質素新鮮，完全冇討厭嘅腥味，咀嚼時散發陣陣嘅煙燻香氣，配搭醬油漬蒜頭或山葵，味道有驚喜✨• 清酒蒸真蠔 $68/隻使用活蠔而非急凍蠔，因此蠔肉蒸過後依然大隻飽滿，中心呈半生熟狀態，咬落勁Juicy！落咗清酒有助帶出蠔本身嘅鮮甜味，同食生蠔係完全另一種感覺，真係好想食多隻arr🤤• 燒飯團 $38有明太子、鮭魚、梅子三種口味，試咗前兩者個人評價一般，饀料比較少，調味亦可以濃一啲，不過就勝在夠曬飽肚🫣• 雞清湯 $48• 雞胸 $58• 雞腎 $58• 七里香 $62• 雞全翼 $68餐廳主打燒鳥，當然要返幾款試試！所有雞串燒均採用本地三黃雞，皮薄肉嫩，雞味非常鮮香，再加上師傅控制火候嘅功架，完美地將雞肉嘅優點發揮出嚟！七里香又即係雞patpat，上次食過之後一試難
• 火炙海膽魷魚卷 $168
海膽同魷魚一向都係絕配！爽口嘅魷魚刺身卷住香甜creamy嘅海膽，兩者融為一體超好味！
• 煙燻鰹魚 $168
鰹魚質素新鮮，完全冇討厭嘅腥味，咀嚼時散發陣陣嘅煙燻香氣，配搭醬油漬蒜頭或山葵，味道有驚喜✨
• 清酒蒸真蠔 $68/隻
使用活蠔而非急凍蠔，因此蠔肉蒸過後依然大隻飽滿，中心呈半生熟狀態，咬落勁Juicy！落咗清酒有助帶出蠔本身嘅鮮甜味，同食生蠔係完全另一種感覺，真係好想食多隻arr🤤
• 燒飯團 $38
有明太子、鮭魚、梅子三種口味，試咗前兩者個人評價一般，饀料比較少，調味亦可以濃一啲，不過就勝在夠曬飽肚🫣
• 雞清湯 $48
• 雞胸 $58
• 雞腎 $58
• 七里香 $62
• 雞全翼 $68
餐廳主打燒鳥，當然要返幾款試試！所有雞串燒均採用本地三黃雞，皮薄肉嫩，雞味非常鮮香，再加上師傅控制火候嘅功架，完美地將雞肉嘅優點發揮出嚟！七里香又即係雞patpat，上次食過之後一試難忘，一貫地油脂感很充足。常見部位如雞全翼都唔能夠睇少，外層脆得好似炸過一樣，內裡肉質嫩滑又能鎖住肉汁，難怪會值呢個價錢😳
• 鹽燒牛舌 $58
牛舌亦好值得推介，簡單以鹽調味已經勁香同惹味，口感Q彈，超適合配啤酒！
• 紫蘇雞皮蝦 $68
如其名就係紫蘇同雞皮包住鮮蝦，唔知係咪加熱咗嘅關係，嗰浸平時我好憎嘅紫蘇味變得溫和好多，甚至乎仲覺得幾香，同隻蝦嘅味道都好夾😌
• 小青椒 $38
• 番薯 $48
• 豆腐$38
• 銀杏 $48
Order嘅四款蔬菜當中我就最鐘意番薯同豆腐！前者糖度極高，屬於天然嘅甜味，好啱最後當甜品咁食。後者冇諗過豆腐可以燒到咁脆，仲有浸獨特嘅焦香🫶🏻
張貼
