影片
更多
2022-11-19
131 瀏覽
上星期係北角上完堂，完成考試，一於搵間好嘅餐廳慶祝一下，上網搵到間係附近食Omakase，午市「福」套餐 $880，見評價都唔錯就去試下。用餐前師傅會先詢問客人有什麼是不吃的，可以為個別食客作出更改。佢地會選用日本當地當造季節嘅食材空運到港，唔使飛日本都食到新鮮食材。▪️前菜✨公魚甘露煮將時令當造嘅公魚曬成魚肝再炸，食落香甜脆口，加埋甜甜地嘅醬汁，都幾惹味。▪️刺身✨瀨戶赤貝 - 咬落鮮甜爽口。✨禾稈草煙燻鯖魚 - 鯖魚經過煙燻食起上嚟更香口，外皮脆口魚肉嫩滑。✨噴火灣鮟鱇魚 - 鮟魚肝嚟自北海道時令當造夠肥美，利用慢煮令魚肝更加入味，完全入口即溶，加少少wasabi食起上嚟會冇咁膩，非常美味。✨櫻煮八爪魚 - 師傅先用茶葉煮成櫻花嘅紅色，這道茶要煮三個鐘，按摩一個鐘，加入昆布紫魚一齊煮，非常軟腍入味，一啖放入口好惹味，估唔到八爪魚都可以一口咬。✨磯煮蝦夷鮑魚配肝醬飯 - 蝦夷鮑魚來自日本北海道，肉質飽滿，味道鮮甜。利用鮑魚嘅肝汁造成魚肝醬撈飯，每粒飯都食到鮑魚汁嘅鮮味，勁好味呀，仲可以同埋金連葉一齊食。▪️茶碗蒸✨茶碗蒸有櫻花蝦、三葉菜、蠔去蒸，蛋味好香蒸得好滑，有櫻花蝦嘅鹹香同蠔，鮮味十
用餐前師傅會先詢問客人有什麼是不吃的，可以為個別食客作出更改。佢地會選用日本當地當造季節嘅食材空運到港，唔使飛日本都食到新鮮食材。
▪️前菜
✨公魚甘露煮
將時令當造嘅公魚曬成魚肝再炸，食落香甜脆口，加埋甜甜地嘅醬汁，都幾惹味。
6 瀏覽
0 讚好
0 留言
▪️刺身
✨瀨戶赤貝 - 咬落鮮甜爽口。
✨禾稈草煙燻鯖魚 - 鯖魚經過煙燻食起上嚟更香口，外皮脆口魚肉嫩滑。
✨噴火灣鮟鱇魚 - 鮟魚肝嚟自北海道時令當造夠肥美，利用慢煮令魚肝更加入味，完全入口即溶，加少少wasabi食起上嚟會冇咁膩，非常美味。
✨櫻煮八爪魚 - 師傅先用茶葉煮成櫻花嘅紅色，這道茶要煮三個鐘，按摩一個鐘，加入昆布紫魚一齊煮，非常軟腍入味，一啖放入口好惹味，估唔到八爪魚都可以一口咬。
✨磯煮蝦夷鮑魚配肝醬飯 - 蝦夷鮑魚來自日本北海道，肉質飽滿，味道鮮甜。
利用鮑魚嘅肝汁造成魚肝醬撈飯，每粒飯都食到鮑魚汁嘅鮮味，勁好味呀，仲可以同埋金連葉一齊食。
3 瀏覽
0 讚好
0 留言
2 瀏覽
0 讚好
0 留言
4 瀏覽
0 讚好
0 留言
▪️茶碗蒸
✨茶碗蒸有櫻花蝦、三葉菜、蠔去蒸，蛋味好香蒸得好滑，有櫻花蝦嘅鹹香同蠔，鮮味十足。
▪️壽司 - 先由淡味白身魚開始食起
🍣池魚仔 - 肉質爽身帶油脂，味道鮮甜。
🍣牙帶魚天婦羅 - 牙帶魚嚟自北海道，炸成天婦羅咬落脆口，加埋脆卜卜嘅紫菜，魚肉嫩滑鬆軟，食落完全係外脆內嫩呀。
🍣北海道活帶子 - 師傅嘅刀工一流，將帶子輕輕切咗幾刀，口感有少少似食緊乾瑤柱，帶子本身鮮味十足，加埋檸檬汁更提鮮。
4 瀏覽
0 讚好
0 留言
🍣地金目 - 師傅有輕輕火炙燒過，魚肉嫩滑濃郁，好有口感。
🍣甜蝦 - 甜蝦來自北海道，蝦肉爽口鮮甜。
🍣地黑鯥 - 魚油豐富，口感比較香滑軟身，味道鮮甜。
🍣鰤魚 - 熟成野生油甘魚，脂肪好豐富，味道鮮甜。
2 瀏覽
0 讚好
0 留言
🍣中拖羅 - 魚味香濃，口感嫩滑，放入口都已經半溶。
🍣大拖羅 - 入口即溶，魚油味道豐富，超正。
🍣北海道海膽壽司 - 用咗北海道嘅黃膽，海膽份量都幾多味道creamy勁鮮甜，好滿足。
1 瀏覽
0 讚好
0 留言
▪️一品料理
✨伊達卷 - 日本人過年嘅時候會食，用魚肉去造，口感似玉子燒，甜甜地味道唔錯。掛住食影漏咗🤭
▪️湯
✨赤味噌魚湯 - 最尾飲返碗熱湯，魚湯魚味香濃得嚟唔會咸，啱啱好。
1 瀏覽
0 讚好
0 留言
▪️甜品
✨自家製栗子芝士蛋糕 - 栗子芝士蛋糕用新鮮栗子去造，食到有一粒粒嘅栗子，芝士蛋糕香濃幼滑，仲食到脆脆嘅餅皮，勁正。
✨ 自家製抹茶配十勝紅豆奶凍 - 紅豆味道香甜，奶凍香濃嫩滑。
✨ 橙果凍 - 橙果凍師傅係用新鮮橙去造，將橙肉打成汁再將凝固變成啫喱，食落非常Q彈有橙味。
✨自家製牛乳芝士蛋糕 - 芝士蛋糕甜而不膩，餅皮都好脆口，好好味。
呢度除左刺身壽司食材新鮮，估唔到甜品都非常出色；同場有食客好欣賞師傅造嘅芝士蛋糕，仲即場買咗個返公司跟同事享用。如果我當時冇其他地方去，我諗我都會買個帶返屋企😋
5 瀏覽
0 讚好
0 留言
張貼
