九份飽 (蜆殼街) (已搬遷) 新店位置

最近留意到北角蜆殼街有間台灣菜餐廳人氣頗高，叫「九份飽」，七點幾黎到店門外已排滿客人，相當受歡迎呢！店內嘅裝修充滿台灣風味，令人恍如置身於台灣般鹽酥雞食台灣野又點少得鹽酥雞！外皮酥脆鹹香，脆卜卜，內裏嘅雞肉好嫩滑又juicy，仲熱辣辣嘅添滷味拼盤拼盤嘅選擇都幾豐富，有豬耳、滷水雞翼、豆腐、滷蛋同牛𦟌，啱晒我呢個有選擇困難症嘅人。滷水雞翼都幾大隻又肥美，滷得入味。豬耳好爽脆。牛𦟌係半筋半肉，帶有香濃牛肉味，滿有嚼口的台灣擔仔麵第一次食台灣擔仔麵，配料有鮮蝦、台灣貢丸、滷蛋等等，配料質素正常。擔仔麵上仲加左肉燥同炸蒜，好香口！麵條粗幼適中，不會太軟腍，有麵粉香，而且能掛湯，好味道啊！肉鬆芝士蛋餅我呢個雞蛋控梗係要點返個蛋餅！揀左我最鍾意嘅肉鬆同芝士，味道就如我期望般的好吃！餅皮QQ的有嚼口，內裡係鹹香肉鬆配上香軟芝士同雞蛋，配料充足，芝士同肉鬆多到就快滿瀉，簡單又美味呀芋圓仙草豆奶台灣嘅芋圓都係我最愛之一，餐廳新推出左呢個芋圓仙草豆奶，都幾大碗架！裏面有芋頭、紫薯、番薯做成的三色芋圓，好Q彈，有芋頭同薯香，而且數量極多，食極都食唔完咁呀😂😂仙草同豆奶唔會太甜，感覺好健康！底下仲有台式珍珠同