影片
更多
2023-05-13
55 瀏覽
❤️🔥香港最愛嘅火鍋店❤️🔥 今次介紹我encore咗無數次嘅火鍋店🤩 唔係講笑呢間喺北角嘅滾得囍宮廷小炒絕對係我喺香港打邊爐嘅top choice❤️🔥 唔單止環境舒適，擺盤精緻，食材用料都好上乘，睇得又食得🥰🌃 環境 (4.5/5)滾得囍離北角地鐵站好近，由A2出口行2-3分鐘就到～ 火鍋店喺寶馬花園2樓，上完扶手電梯沿住走廊行到尾就係㗎啦☺️滾得囍宮廷火鍋小炒店如其名，行古代宮廷華麗風🤩 一入門口就見到大大張金色龍椅，好浮誇🐲 旁邊仲有古裝龍袍可以借黎影相添😆 餐廳裏面整體以深木色為主，再加上中式木質檯凳，感覺華麗又不失典雅😚 😋 食物 (5/5)❤️🔥 康熙花膠雞湯鍋 (半隻) $318🐮 貴妃出浴手切本地牛肉 $348🦐 手打黃金流心鮮蝦丸 $72/ 4粒🥟 紫皇蟹粉豚肉餃 $88/ 4隻💛 黃金雙拼(即炸響鈴及炸魚皮) $88🥬 滾得囍五色蔬菜拼盤 $88🥤 竹蔗茅根 $78/ 1渣邊個話打邊爐一定會熱氣㗎？今次同媽咪黎食就揀咗個滋補養顏嘅花膠雞湯鍋做湯底😘 無諗過打邊爐湯底居然會有兩大片花膠！店員首先會上一煲金黃色嘅雞湯，睇見個色澤都知濃郁😚 然後會幫手剪開花膠，再加入雞件
🌃 環境 (4.5/5)
滾得囍離北角地鐵站好近，由A2出口行2-3分鐘就到～ 火鍋店喺寶馬花園2樓，上完扶手電梯沿住走廊行到尾就係㗎啦☺️
滾得囍宮廷火鍋小炒店如其名，行古代宮廷華麗風🤩 一入門口就見到大大張金色龍椅，好浮誇🐲 旁邊仲有古裝龍袍可以借黎影相添😆 餐廳裏面整體以深木色為主，再加上中式木質檯凳，感覺華麗又不失典雅😚
😋 食物 (5/5)
❤️🔥 康熙花膠雞湯鍋 (半隻) $318
🐮 貴妃出浴手切本地牛肉 $348
🦐 手打黃金流心鮮蝦丸 $72/ 4粒
🥟 紫皇蟹粉豚肉餃 $88/ 4隻
💛 黃金雙拼(即炸響鈴及炸魚皮) $88
🥬 滾得囍五色蔬菜拼盤 $88
🥤 竹蔗茅根 $78/ 1渣
邊個話打邊爐一定會熱氣㗎？今次同媽咪黎食就揀咗個滋補養顏嘅花膠雞湯鍋做湯底😘 無諗過打邊爐湯底居然會有兩大片花膠！
店員首先會上一煲金黃色嘅雞湯，睇見個色澤都知濃郁😚 然後會幫手剪開花膠，再加入雞件👍🏻 花膠雞湯超清甜，雞味濃郁，花膠好厚身有咬口，我同媽咪忍唔住飲咗兩碗湯再食咗兩片花膠，未開始打邊爐已經飽咗一半🤪
打邊爐當然唔少得牛啦🐮 之前食開本地牛頸脊，今次就試吓新嘢😍 貴妃出浴手切本地牛肉賣相超靚，唔單止牛肉片砌到一朵花咁，擺盤仲以黑白太極形式呈現😮 店員隨後會喺你面前倒入牛奶，比你將牛肉浸落牛奶到令到佢更滑更腍🥛
牛肉片一貫地有水準👍🏻 牛味幾濃，口感實淨但唔會鞋😋 但牛奶有無令牛肉質感更好？ 老實講我又食唔出有咩分別🤣 似Gimmick嘢居多，不過打卡唔錯嘅📷
呢度嘅丸類同餃類都係自家製手打，非常考功夫🥟 手打黃金流心鮮蝦丸鮮味彈牙，裏面包住流心鹹蛋黃，幾特別😚 紫皇蟹粉豚肉餃粒粒都好飽滿❤️ 餃子裏面包住好香嘅紫蘇葉碎同蟹粉，爆曬餡好足料🦀️
如果鍾意食炸魚皮/響鈴嘅唔可以錯過滾得囍嘅黃金雙拼💛 唔同一般嘅火鍋店，呢度用鹹蛋黃漿包住即炸響鈴同炸魚皮，邪惡指數爆表😈 鹹蛋黃漿夠多，即使浸完落湯底都好惹味，呢個要忍住唔好狂食，超滯🤪
食完邪惡嘢要食返啲菜balance吓🥬 五色蔬菜拼盤有蓮藕片，紫淮山，薯仔片，冬瓜片同番茄🍅 色彩繽紛又營養均衡，加埋落去令湯底更甜😆
因為同媽咪黎所以就唔飲酒啦🫖 嗌咗一渣竹蔗茅根，清甜解膩，爽🍻
💰 價錢 (4/5)
Average price $600/pp
依家喺香港打啲高質邊爐都唔平㗎，唔計任食嗰啲餐廳閒閒地都人均$500+，但又未必好好食💸 滾得囍嘅價錢雖然唔係特別平，但勝在真材實料，食材同擺盤都好有心思，鍾意打邊爐嘅一定要試❤️
張貼
