滾得囍宮廷火鍋小炒 (已改名) 查看

估唔到北角都有間咁有特式嘅火鍋店打邊爐🍲以宮廷設計成主題餐廳，入門口已經感受到它的氣派🐱甚至乎座位都好有古代感，連餐牌都整到聖旨咁👍🏻🎁坐底之後會有店員幫手用滾水洗餐具，感覺都好乾淨，之後叫左野食同湯底，都會講解下點樣落會好d。我哋叫左個康熙花膠雞湯鍋 (半隻) ，仲叫左鹿兒島日本黑豚肉、滾得囍宮廷丸拼盤、蔬菜拼盤、龍口粉絲和一查羅漢果菊花茶！康熙花膠雞湯鍋 (半隻) $298我哋係佢推薦個幾個揀左花膠雞湯，因為見到隔離枱上個花膠勁大碟😍女仔就係要食多d花膠保下骨膠原😙個湯底好快黎左，個d花膠同雞都係另外上的，係你面前剪d花膠落個腸度。等滾到咁上下，就可以放d雞肉落去，佢雖然得半隻雞，佢都會有雞髀位😍小提示🙌🏻花膠唔會滾咁耐，唔係會溶曬係個湯底度！鹿兒島日本黑豚肉$168 黑豚肉的賣相擺盤都做得幾精緻，好有特色掛起每一片黑豚肉，我哋覺得似五花腩，有半肥半瘦嘅感覺👍🏻而且肉都切到好薄片，滾一陣就可以好快食啦🥸滾得囍宮廷丸拼盤$138丸嘅拼盤有五款唔同味道嘅手打丸每款分別各兩粒，五款手打丸嘅味道分別係手打墨汁墨魚丸、手打芝心牛肉丸、手打菠菜豬肉丸、手打珍珠帶子墨魚丸和手打黑松露惹菌鮮蝦丸。