滾得囍宮廷火鍋小炒 (已改名) 查看

呢間喺北角嘅滾得囍聽得多，呢次終於有機會嚟試吓啦！手切頂級安格斯牛肉 用咗頂級嘅安格斯級嘅牛肉，牛肉用人手切，所以食落口感會比機切嘅好，加上牛肉油脂分布均勻，肉味香濃之餘仲有油脂嘅香味，有入口即化嘅口感，令人一食上癮。黃金響鈴，黃金魚皮 秘製鹹蛋黃醬魚皮同響鈴都用鹹蛋黃包住，口感香脆，就咁食都經已好好味，浸埋落湯底，口感同味道都變得更豐富。油麥菜打邊爐一會叫油麥菜，夠哂翠綠，食落亦好清新，吸埋雞湯嘅精華，更加好味。蜂巢豆腐用嚟索哂湯嘅精華就最啱，又無豆卜生根咁油膩。奶凍係呢度送嘅小甜點，奶味濃香，入口滑溜，口感Q彈，上面仲有朱古力糖針作點綴，亦能增添口感。康熙花膠雞湯鍋呢度鍋用上清朝皇帝命名，呢款花膠雞湯鍋用咗康熙。呢個湯底用料十足，見到塊花膠勁大，店員仲會喺我哋面前將花膠剪開，再放入湯底中，而店員會建議先飲啖佢哋嘅花膠雞湯先，鮮甜嘅雞湯加埋滿滿骨膠原嘅花膠，簡直係女士嘅恩物。