當下 (和富道) (已結業)

臨近聖誕特別多聚會, 今日嚟到北角, 一間都幾有情調嘅西餐廳。5個course嘅Set Dinner , $288-388, 包括湯、沙律、前菜、主菜、甜品同餐飲。蕃茄濃湯, 啖啖鮮茄味, 配香脆蒜蓉包就最夾。沙律菜鮮甜爽口, 我就偏愛加多一點黑醋。法式烤焗田螺 田螺肉釀入田螺形脆殼, 連殼食時脆時軟口感不錯。底層薯蓉香軟幼滑。松露奶油大蝦闊條麵大蝦有成支叉咁長, 蝦肉爽甜彈牙, 闊條麵軟硬度適中, 醬汁唔會太過濃稠, 不錯！呢件自家製蛋糕, 朱古力味特濃, 好睇又好食。