175
10
10
港鐵北角站 A1 出口, 步行約4分鐘 繼續閱讀
所有分店 (3)
電話號碼
28870838
開飯介紹
環境寬闊,裝修簡約舒適,走英國風的酒吧餐廳。主打西式菜餚,推介香酥蟹肉餅。 繼續閱讀
營業時間
今日營業
11:00 - 22:00
星期一至五
11:00 - 22:00
星期六至日
09:00 - 22:00
*最後落單時間:21:30
付款方式
Visa Master AlipayHK 支付寶 現金 銀聯
座位數目
30
其他資料
網上訂座
Wi-Fi
酒精飲品
支持減塑 詳細介紹
電話訂座 詳細介紹
賞訂座積分
外賣服務
電視播放
當面支付
食評 (206)
等級4 2021-03-30
2255 瀏覽
2021年3月22日 星期一今日放工帶左老婆去北角食好西,因為係網上面見到和富道有一間西餐好似好高評價,所以即刻預約同老婆黎雖然位置唔算太明顯,因為唔係位於大街,不過都唔算太難搵,行到和富道就見到入到去坐低咗再慢慢睇餐牌,見到有晚市套餐同散叫兩款餐牌,價錢都唔算太貴,但係由於我費事煩既關係,所以就直接選擇咗晚市套餐,貪佢咩都有齊,另外仲要左兩杯特色飲品首先嚟到既估唔到係老婆叫既雪糕雙重朱古力,黎既時候見到有髒髒既感覺,係近期大熱,杯既旁邊撒上左忌廉同朱古力粉,上面仲有朱古力醬,就連雪糕都係朱古力味,飲落去真係充滿咗朱古力濃厚嘅味道,老婆好鍾意至於我就要咗椰子菠蘿Colada,飲落去好清新,充滿椰子嘅香味,仲有菠蘿已經切成一粒粒放咗喺裏面,一齊飲嘅話會酸酸甜甜,有熱帶feel之後有沙律,特別係有機凱撒沙律同巴拿馬火腿伴蜜瓜,凱撒沙律嘅菜好新鮮,咬落去爽脆,醬汁嘅份量啱啱好,唔會太鹹反而巴拿馬火腿有鹹鮮,所以配清新既蜜瓜就啱啱好,味道平衡返晒餐湯方面老婆要左意式雜菜湯,見到配料好豐富,有各款唔同嘅蔬菜喺裏面,顏色都好吸引,老婆話味道唔錯我就要咗雜菌忌廉蘑菇湯,見到上面有少少黑松露,味道已經非常突出,而且個湯好幼滑,加埋香草喺上面就更加香到主菜部分,呢一個係香草鹽焗海鱸魚,黎嘅時候見到都幾誇張,因為成條魚焗咗喺裏面,原本以為要自己切嚟打開,點知原來有店員代勞一打開既時候香草嘅味道已經散發開去,同時感覺到條魚熱辣辣,食落去十分嫩滑,加上鹽焗過之後味道更加集中,有鹽香味,食到停唔到口最後仲有呢個牛尾大通粉,冇諗過通粉可以咁大條,咬落去又幾彈牙,同時好掛汁,夠晒入味,牛尾煮得好腍最後埋單嘅時候店員都送咗一杯不丹茶俾我哋試吓,話飲得多身體會健康啲,因為裏面有好多種唔同嘅藥材,我哋兩個試飲咗一杯,感覺幾特別,清清地,無茶嘅苦澀味整體來講感覺唔錯 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-29
1004 瀏覽
北角和富道的街口好普通,但是一家很精緻的西餐廳,當下,就是位於這裡。全深啡的設計充滿著古典文雅氣息,整個佈局很有歐美酒館的格調,加上昏暗的燈光也有情調。我和友人坐的位置還有個古老電話,當然要拍拍照!有機凱撒沙律有著清甜的羅馬生菜,還有香脆麵包粒、濃香的芝士和乾脆煙肉碎,口感爽,微酸的味道好開胃。巴拿馬火腿伴蜜瓜是經典的配搭,切得薄薄的巴拿馬火腿該是12個月的,味道鹹香但不會過重,加上新鮮多汁又甜美的蜜瓜,無論味道跟口感都互相擦出火花。嚐過開胃前菜,來喝口湯吧。黑松露野菌蘑菇湯一上菜已經香氣四溢。湯內的蘑菇打得很醉,所以湯的質感濃稠,菇味濃郁滿分,加上黑松露的味道更香口怡人。後段還有一點點鹹的感覺,是它比較特別的地方。意大利有機雜菜湯充滿著煮得柔軟的蔬菜,味道稍酸。每口吃到配料的量比喝到的湯還要多,非常足料!主菜方面,我倆選了一款肉類、一款意粉。慢煮西班牙黑毛豬是非常厚肉、大大的一件豬鞍扒,份量十足,看著都能感受到它的重量。它的表皮有另外煎香到,對我來說是神來之筆。黑毛豬的味道甘香,肉質比想像中軟。因為豬扒是很難煮得不結實的,所以店家採用了慢煮的方式,就算肉厚也能全熟不結實。切下去是順刀的,代表肉質還是軟身。配菜也很有驚喜,翠玉瓜粒多汁又新鮮,那個薯蓉更是一絕。薯蓉幼滑又creamy,內裡還有粒粒軟身的薯肉吃,口感一流。另一道主菜是香辣海鮮扁意粉。海鮮有鮮味藍青口,爽口魷魚,還有既新鮮、又大又彈牙的蝦,加上辣道更美味。扁意粉用橄欖油炒,條條分明,熟度剛剛好,口感煙靱,al dente! 意粉黏著香草和辣椒,香口惹味,還愈吃愈辣,有點像aglio olio的感覺。最後能以薯蓉解辣,不錯!能在富有情調的餐廳享用美食,身心都得以舒暢。餐廳門口還有書籍賣呢💛 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-21
933 瀏覽
今日同朋友去和富行街,走既時候經過見到呢間睇落勁高級但價錢又好似唔算好貴,所以決定一齊食埋晚飯先走~ 因為尚早,所以唔洗位就入得。店內既座位唔算太多,每枱之間都有一定距離,坐得都好舒服。我地叫左個 Dinner set for two $498๛巴拿馬火腿伴蜜瓜蜜瓜鮮甜又多汁,配埋巴拿馬腿做開胃小食真係唔錯~  ๛ 有機凱撒沙律蔬菜新鮮,麵包粒好香脆~๛ 黑松露磨菇湯 一上枱已經聞到黑松露既飄香,好鐘意有碎磨菇既磨菇湯,口感特別好~ 磨菇湯既黑松露同磨菇味都好濃,互相配搭得好好,唔會蓋左對方既味道~ 飲完覺得唔夠喉!๛ 有機雜菜湯,飲得出誠意,好足料,煮到有少少蔬菜溶咁令到口感提升既同時又唔會太濃稠๛ 黑松露野菌手打闊條麵首先同個湯一樣,黑松露味好重好香,一上枱已經聞到。配料份量都多,啖啖野菌好滿足。闊條麵勁煙韌,加埋個汁勁creamy,超好食!๛ 炭燒法國黃油春雞成日都好怕炭燒雞既肉質會好鞋,但朋友堅持想食雞,唯有叫啦。又意外喎,呢個炭燒春雞既肉質好嫰滑,一啲都唔鞋,雖然唔係話超有肉汁,但對呢個雞己經好滿意! 配菜有薯蓉同少量西蘭花,整體份量好足,呢個價錢確物超所值!  繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-15
802 瀏覽
無得外遊嘅日子每個月都抽空到酒店staycation一下,呢次黎到北角,夜晚找到了附近的這間餐廳。店不算大,不過甫進店已感到充滿文藝氣息,圖書角、懷舊唱機,若是午茶時間在此角落對著窗外看書喝一口咖啡,特別寫意! 先來頭盤分別有帕馬火腿及凱撒沙拉菜,Pama Ham肉味濃,雖脂肪含量比較少,質感依然嫩滑不粗糙,伴隨新鮮多汁蜜瓜切片佐吃,果香緩解一下油份,一人一片不腻幾醒胃。凱撒沙拉菜比較嫩綠爽脆,沙律醬配上少量芝士及火腿切片碎,味覺層次變得豐富唔會單調乏味,餐前先食D綠色元素做到均衡饍食好重要。黑松露野菌蘑菇湯,入口質感頗幼滑,餘熱帶出菇菌既幽香氣息到舌尖上,加之黑松露更加有一種添味增香既效果,整客餐湯變得更加有體面。意大利有機雜菜湯,味道跟別的西餐略有點不同,沒有側重偏辣或偏酸味道,反而甘筍甜味相對濃厚得多,用料足、密度高,口感更佳,每口都充份嘆出原味道。海鮮意粉加入藍青口、厚肉原隻蝦、蜆肉、魷魚圈,再伴入靈魂之最既欖檻油同蒜片配料,形成濃香味覺層次。叉子捲起麵條就夾雜著陣陣誘發味蕾既油香氣味,麵管入口順滑彈牙。海鮮元素非常新鮮,尤其蝦肉特別爽甜!慢煮牛面頰配紅酒汁慢煮過既牛面肉保留到肉質既軟滑度,醬汁濃香入味不口乾,咬落挺Juicy且鮮味。薯蓉香滑得黎亦有質感 繼續閱讀
(以上食評乃用戶個人意見 , 並不代表OpenRice之觀點。)
💛 PRESENT 當下(北角) 💛.記得科勞  ٩(˃̶͈̀௰˂̶͈́)و些些!..............................聖誕節南瓜竟然無計劃食咩 24號先走去book位😠雖然只係lunch但都食得好開心好滿意🎅🏻🎄呢間真係好高質 價錢合理 服務又好(⁎⁍̴̛ᴗ⁍̴̛⁎).🔅想知黃店原因請Dm💛..............................🍽香煎香草羊架伴薯角 $168(👏🏻9/10).叫七成熟中間仲係pinkpink 啱啱好一啲都唔柴!羊味幾重但唔會羶 帶少少肥膏好鬼正呀😍有麵包糠同芥末醬 脆脆地又好惹味🥂薯角炸得好脆 唔乾 似薯格味 我牙痛都忍痛食咗幾嚿🤤.🍽澳洲肉眼牛扒配飯 $148(👏🏻9/10).我生智慧齒好痛 唔想食咁多炸嘢所以轉咗飯唔好以為好頹 佢係珍珠米嚟 好香好好食😋牛扒無筋 帶條肥膏邊 好香牛味 正呀ψ(`∇´)ψ露筍好嫩 一路食一路嗌牙痛 都清晒碟 正呀🤩.🍽跟餐 磨菇湯 胡麻醬沙律(👏🏻8/10).磨菇湯好濃 滑得嚟帶啲磨菇粒咬下 好好飲😍沙律菜好新鮮 一啲都唔係頹嘅 加埋啲醬好開胃!.🍽雪糕心太軟 跟餐+$58(👏🏻7.5/10).心太軟中間都幾流心(係我影得唔好😭)朱古力味濃但甜咗啲啲 加埋雪糕超強冰火效果😈.☕️焦糖鮮奶咖啡 榛子鮮奶咖啡 跟餐+$23(9/10).非超繁忙時間可以要求狗仔3D拉花🐶今日好忙但叔叔見我地失望樣就話好啦照整🤩凍咖啡隻狗keep咗成個鐘仲好完整!咖啡唔酸好飲!..............................🎈 當下 (和富道) (北角)北角和富道126號地舖🎈 當下 (翠怡花園) (青衣)青衣長環街4號翠怡花園一座地舖🎈 當下 (九龍城)九龍城打鼓嶺道44號C舖..............................      繼續閱讀
(以上食評乃用戶個人意見 , 並不代表OpenRice之觀點。)