蝦蝦燒 (已結業)

今日同朋友慶祝生日 帶佢嚟到荃灣大鴻輝中心嘅呢間蝦蝦燒到食海鮮燒烤放題 晚飯時間嚟到餐廳好多人 建議預先book位先好嚟呀每張枱隔離都有個游水蝦缸 可以喺度夾自己心水嘅大頭蝦 有得玩有得食 大頭蝦隻隻都新鮮識游水 非常生猛 肉質爽甜 蝦頭仲有蝦膏超正呀除此之外出面自取區仲有好多唔同種類嘅嘢食可以任夾任燒 最特色嘅就梗係呢個海鮮凍櫃啦 有大大條嘅海魚 魷魚 花甲 生蠔 扇貝 鮑魚 東風螺等等 仲不斷refill一啲都唔吝嗇 我最愛嘅就係食巨型扇貝 加埋牛油同蒜蓉一齊燒超級香呀仲有唔同嘅燒烤材料可以任食 牛仔骨 羊架 菠蘿 丸類都係任食㗎