影片
更多
2019-06-27
1309 瀏覽
機緣巧合下去咗柏景食自助午餐，唔差，但都講唔上話好好。先講環境，餐廳佔地面積廣，開揚而且光線充足，位置方面都算寬敞，檯與檯之間距離唔算遠，但每檯都算係有少少私人空間。衛生方面中規中矩，明白冇可能完全冇小飛蟲烏蠅之流，但餐具器皿清潔度以一間4星酒店餐廳嚟講仍然有待改進。至於食物方面，今次趕上「我 ♥ 日韓台」主題嘅尾班車，話明係三重滋味拍住上，咁究竟有啲咩食呢？八小時慢煮和牛肉眼日式清酒芝士扒扇貝韓式泡菜芝士焗龍蝦台式麻辣烤沙巴龍躉鮮淮山蟹肉沙律金杯Sorry以上菜式只限晚市供應，而官網都已經一早寫得好清楚有咩推介菜式，大概都想像到自助午餐主要都係供應一般貨色再加一到兩款比較吸引嘅主題菜式，所以唔存在現實同期望有落差嘅問題。再講得具體少少，食自助餐當日並未見到有「波士頓龍蝦蟹肉焗芝士通粉」、「 蠔皇扣鮮鮑魚及素海參」、「 堂煎鵝肝配海鮮竹筒糯米飯」、「 日式炭燒牛舌配照燒汁」等等冇標明係晚市限定嘅菜式，反而出現左唔suppose喺午市供應嘅「 火焰石燒美國和牛伴泡菜及日本花菇」，可惜本人唔多好牛，寧願要龍蝦鮑魚鵝肝，但考慮到日韓台主題已接近尾聲同食飯當日係閒日午市等因素，都唔算話特別失望
先講環境，餐廳佔地面積廣，開揚而且光線充足，位置方面都算寬敞，檯與檯之間距離唔算遠，但每檯都算係有少少私人空間。
衛生方面中規中矩，明白冇可能完全冇小飛蟲烏蠅之流，但餐具器皿清潔度以一間4星酒店餐廳嚟講仍然有待改進。
至於食物方面，今次趕上「我 ♥ 日韓台」主題嘅尾班車，話明係三重滋味拍住上，咁究竟有啲咩食呢？
八小時慢煮和牛肉眼
日式清酒芝士扒扇貝
韓式泡菜芝士焗龍蝦
台式麻辣烤沙巴龍躉
鮮淮山蟹肉沙律金杯
Sorry以上菜式只限晚市供應，而官網都已經一早寫得好清楚有咩推介菜式，大概都想像到自助午餐主要都係供應一般貨色再加一到兩款比較吸引嘅主題菜式，所以唔存在現實同期望有落差嘅問題。
再講得具體少少，食自助餐當日並未見到有「波士頓龍蝦蟹肉焗芝士通粉」、「 蠔皇扣鮮鮑魚及素海參」、「 堂煎鵝肝配海鮮竹筒糯米飯」、「 日式炭燒牛舌配照燒汁」等等冇標明係晚市限定嘅菜式，反而出現左唔suppose喺午市供應嘅「 火焰石燒美國和牛伴泡菜及日本花菇」，可惜本人唔多好牛，寧願要龍蝦鮑魚鵝肝，但考慮到日韓台主題已接近尾聲同食飯當日係閒日午市等因素，都唔算話特別失望。
至於火焰石燒和牛，同行者評價都算正面，但未見有encore。同場加映蟹肉時蔬，肉眼係見到蟹肉，但唔多食得出，而且味道略鹹，屬於唔食唔可惜嘅水平。
現場主要供應熱葷居多，都有十幾款，味道大致都ok，足夠飽肚，但冇咩非食不可嘅選擇；冷盤有一般嘅壽司刺身沙律海鮮，味道同款式一樣一般；最多款式係甜品，佔左一張長檯再加一個大櫃，再加6款Movenpick雪葩，喺午市有Movenpick供應算係非常有良心，食客如果想回本就全靠佢喇。
12 瀏覽
0 讚好
0 留言
飲品方面係無限添飲，比較特別嘅係有最近好hit嘅芝士奶蓋茶，奶蓋夠厚，夠味得嚟口感都算順滑，不過略嫌杰身，冇辦法45度完美飲用，大部份時間都只係飲到茶，同埋芝士奶蓋茶擺左好耐都仲保持得好好，唔排除係落咗穩定劑，不過始終唔係專門茶店都算係咁。
經官網提早預訂同全數付款可享有半價優惠(不包括加一服務費)，折合每人大概$215左右，以自助午餐嚟講唔可以話好抵，但尚算合理。總括黎講，因為本身期望唔高，環境、食物種類同質素都符合預期，但冇驚喜，介乎3-4星級酒店水平左右，好彩有movenpick 挽回唔少印象分，另外服務質素都唔錯，refill 速度快，職員侍應幾乎係有求必應，值得一讚，日後再有折扣嘅話都會考慮再嚟食，原價就不了。
張貼
