影片
更多
2020-05-11
13167 瀏覽
喱排全世界都唔開心好彩疫情都有啲退落嚟嘅跡象！一於約埋朋友去勁勁擦一夜放鬆吓先！尖沙咀皇家太平洋酒店嘅柏景餐廳係好地方，而家做緊55折為返唔使4嚿水就可以任食3個半鐘，唯一條件係要喺官網比晒全費同埋只喺星期五至日、公眾假期及其前夕才先有得食！ 不過而家將自助餐變做剔紙仔任食，選擇都好多架有前菜、刺身壽司、燒烤、熱盤、麵食點心同埋星洲美食。 而飲品就自助形式有罐裝汽水、紙包裝烏龍茶、生果水、蘋果汁、橙汁和金銀花雪梨茶。 熱辣辣整罐汽水順順氣先好爽呀！ 一坐底就送嚟特選刺身拼盤入面有牡丹蝦、北寄貝、帆立貝、油甘魚和三文魚，全部都立立令好新鮮咁樣，我哋一致覺得牡丹蝦就最正斗喇又大隻又甜味十足！ 仲有海鮮拼盤都係送架有波士頓龍蝦半隻、凍蝦、藍青口及鱈場蟹腳都係新鮮貨唔錯。 未完仲每人有一盅蟲草花圓肉杞子燉豬腱湯，燉湯夠料就好味食完凍嘢飲番碗好暖胃。 前菜有老婆大人推介嘅夏威夷三文魚及黃鰭吞拿魚沙律，另外仲有她至鍾意食嘅巴馬火腿，見佢食得鬼咁滋味真開心。 好鬼開心見佢有點心任食一連叫咗蝦餃、燒賣和薑蔥牛柏葉幾款嚟食，估唔到又幾掂喎好食到要返兜咗一次添！ 中
不過而家將自助餐變做剔紙仔任食，選擇都好多架有前菜、刺身壽司、燒烤、熱盤、麵食點心同埋星洲美食。
而飲品就自助形式有罐裝汽水、紙包裝烏龍茶、生果水、蘋果汁、橙汁和金銀花雪梨茶。
熱辣辣整罐汽水順順氣先好爽呀！
一坐底就送嚟特選刺身拼盤入面有牡丹蝦、北寄貝、帆立貝、油甘魚和三文魚，全部都立立令好新鮮咁樣，我哋一致覺得牡丹蝦就最正斗喇又大隻又甜味十足！
仲有海鮮拼盤都係送架有波士頓龍蝦半隻、凍蝦、藍青口及鱈場蟹腳都係新鮮貨唔錯。
未完仲每人有一盅蟲草花圓肉杞子燉豬腱湯，燉湯夠料就好味食完凍嘢飲番碗好暖胃。
前菜有老婆大人推介嘅夏威夷三文魚及黃鰭吞拿魚沙律，另外仲有她至鍾意食嘅巴馬火腿，見佢食得鬼咁滋味真開心。
好鬼開心見佢有點心任食一連叫咗蝦餃、燒賣和薑蔥牛柏葉幾款嚟食，估唔到又幾掂喎好食到要返兜咗一次添！
中式嘅仲有喱個好好味嘅辣酒煮翡翠螺，煮到入晒味嘅翡翠螺辣辣哋又香香哋好鬼吸引，唔辣得嘅我都勁鍾意食喱個螺。
仲有帶子炒鮮奶、花膠頭抽炒珍菌都係好味嘅推介，咪話唔通知大家唔食走寳關人忍事嘻嘻！
仲有喱個廣東鮮蝦雲吞麵又係幾正喎！鮮蝦雲吞好彈牙麵條又爽口，最重要係有韭黄成碗麵有晒靈魂。
鍾意食香口嘢嘅就咪錯過燒烤嘢食喇！我哋叫咗老婆大人至愛嘅燒菠蘿、新鮮嘅大蝦串燒同埋美國肉眼串燒！
美國肉眼串即叫即燒又香又淋又有肉味而且燒得好嫩口高水準呀！
羊架一樣燒得精彩羊味好香濃肉地又軟滑啱晒食肉獸。
仲有喱個日式燒鵝肝飯糰外表平平無其其實內藏玄機，焦香嘅飯糰入面有件鵝肝你話唔好食至奇啦！
香口嘢仲點少得星洲美食！黃金脆魚皮、星洲蘿蔔糕都係香口嘅好代表，真係好食到停唔到口架！
仲有白胡椒肉骨茶任食喱個星洲嘅肉骨茶係充滿胡椒味的，飲完真係流晒汗好鬼刺激啊！
甜品就自己去櫃道點叫入面放滿唔同款式嘅甜品！有蛋糕、水晶餅、泡芙、奶凍、布甸同埋雜果好多得揀。
仲有熱辣辣嘅即焗窩夫同老婆大人至like嘅Mövenpick雪糕食埋就真係夠晒皮喇！真係好驚喜估唔到轉咗形式後質數都高咗唔少抵讚呀！
柏景餐廳 地址：尖沙咀廣東道33號皇家太平洋酒店園景翼2樓 電話號碼：27382322
張貼
