影片
更多
2018-11-16
2097 瀏覽
老朋友聚舊食晚飯,有人提議依間太子店(後來到咗先聽佢講話攪錯咗;原本想去"新小xx"喎一早訂咗五位6:45pm, 6:30pm到咗已經勁多人食緊坐落對正果個大魚缸,睇住咁多海鮮游來游去零舍醒胃等朋友嚟到之後就各自點一個餸燒腩仔最先上檯,睇落唔錯但入口比較肥膩咗啲,皮亦做唔到香脆感覺。較為可取就係醬油有青芥辣/蠔油兩款蒜粉絲蒸元貝係上網facebook like咗及打卡之後嘅贈品,味道平平。陳醋骨嘅肉質入口OK,調味都到位;咀嚼到有香脆感覺餐前小食嘅鹵水掌翼不過不失,唔會太咸招牌小炒皇用料有韮菜花,腰果,炸魚乾。算係做得好嘅一個菜式,香口餸得飯金銀蛋菠菜,非常唔得。超級咸,朋友要用滾水沖淡佢先食得;唔想多講喇手打魚付浸勝瓜都係偏咸,刀章又比較粗;全部都係(大大塊)終於大姐大話要加餸叫多兩隻紅燒乳鴿,咁咪叫囉好彩又算幾得喎做得都算乾身,香口入味但始終都係食飽晒(一肚氣),所以大姐打包返成隻攞走埋單其實又唔可以話貴嘅,但係食味就認真xxxxxxxx
一早訂咗五位6:45pm, 6:30pm到咗已經勁多人食緊
坐落對正果個大魚缸,睇住咁多海鮮游來游去零舍醒胃
等朋友嚟到之後就各自點一個餸
燒腩仔最先上檯,睇落唔錯但入口比較肥膩咗啲,皮亦做唔到香脆感覺。較為可取就係醬油有青芥辣/蠔油兩款
蒜粉絲蒸元貝係上網facebook like咗及打卡之後嘅贈品,味道平平。
陳醋骨嘅肉質入口OK,調味都到位;咀嚼到有香脆感覺
餐前小食嘅鹵水掌翼不過不失,唔會太咸
招牌小炒皇用料有韮菜花,腰果,炸魚乾。算係做得好嘅一個菜式,香口餸得飯
金銀蛋菠菜,非常唔得。超級咸,朋友要用滾水沖淡佢先食得;唔想多講喇
手打魚付浸勝瓜都係偏咸,刀章又比較粗;全部都係(大大塊)
終於大姐大話要加餸叫多兩隻紅燒乳鴿,咁咪叫囉好彩又算幾得喎做得都算乾身,香口入味但始終都係食飽晒(一肚氣),所以大姐打包返成隻攞走
埋單其實又唔可以話貴嘅,但係食味就認真xxxxxxxx
張貼
