魚魂98 (已結業)

今日去呢間嘢食晚餐，叫左個「牛舌烏冬」，未食過咁難食嘅嘢1。個牛舌勁厚，幾乎冇切過，仲要連皮上，脷苔都見到，又明顯冇燒過冇煎過，好韌，一大陣腥味，又難食又核突。2。連個湯底都有問題，第一次食烏冬個湯會一大陣腥味，離遠都聞到，完全冇晒胃口。個餐牌話個湯有柚子味，完全食唔出，個湯嘅腥味完全蓋過晒成個餐所有食物嘅味道，真係未試過食到咁羞食嘅嘢。3。連個跟餐嘅雞粒都有問題，成粒都係粉，少少雞肉都食唔到，仲要凍嘅。唯一食得嘅得個跟餐沙律，算係正常。其實剛才都睇咗幾篇食評，好多人都劣評呢個牛舌烏冬，好後悔冇睇咗食評先點餐，亦都唔明點解呢間餐廳會將呢個咁難食嘅餐仍然保留係餐牌上。