八囍匯 (已結業)

小弟平時食野多，睇Openrice評分、食評多，要動筆就真係好懶。今次試左新開八囍匯，發覺真係值得寫一寫。其實石門都算多左野食，試八囍匯純粹係見佢新開張，地點就腳，同埋唔洗等位。（坐落就開始多人）餐前小食：藤椒萵苣石門地段，酒店刀功。藤椒麻感spot on，配合萵苣本身爽脆、refresh嘅口感，單單係呢個餐前小食，我已經覺得呢間野，掂。主食：擔擔麵麵湯濃香，但飲落、食落驚奇地清，應不是擔擔湯膏或其他醬料味精沖水兌出來。除左湯有驚喜，麵亦相當有咬勁。個人十分滿意。飲完湯也沒有口渴感，可見湯底相當有功。湯食：蟹肉酸辣湯一開碗，已有蟹香，而且蟹肉一絲絲可見。酸辣湯非坊間一般酸辣羹或酸辣茨。酸辣味平衡，加上蟹香味，相當開胃清新。（我聞落都好吸引）炒食：宮保雞丁炒鑊，最重要係鑊氣。鑊氣足之餘，雞肉亦相當嫩滑。宮保雞丁最怕就係過猛嘅鑊氣，令雞肉變乾變老，成碟野就過火。但呢碟宮保雞丁，由調汁配料到雞肉，都相當平衡有味。主食二：頭抽海鮮炒飯炒飯不是半生飯（大家可能都食過半生飯炒嘅飯），所以飯絕不會un胃。粒粒分明，淡淡頭抽味加上蟹肉、蝦、瑤柱、櫻花蝦香氣，脆米增加食趣。另外，我點嘅茶係人參烏龍茶，絕