自家燒吧 (已結業)

之前都已經好想試依間自家燒吧，特別秋天真係好想BBQ。而且地方都好近觀塘地鐵站，價錢大約$208 +1，我覺得都算幾唔錯。一入到去環境都好舒適，裝修都幾特別，有好多放喺牆嘅相同車牌。而且就算係二人嘅位置都好大。我餐廳好細心咁樣配有三種醬料，包括左泰式辣醬，茄汁同埋蜜糖燒汁。等你去燒嘅時候仲可以用唔同嘅醬料，調出自己鍾意嘅味道。串燒嘅種類非常多，基本上你諗到嘅都會有。我比較推薦係燒牛肉同埋燒叉燒。而且佢係放題可以任食！ 等嘅時候你仲可以試埋熟食，佢哋嘅吉列魚餅，蜜糖雞翼都超級好食另外仲有冷盤 包括有青口同埋凍蝦，當然唔少得仲有芒果布丁同埋啫喱等等嘅甜品。另外佢哋仲有三張放題嘅點餐紙，款式都好多，而且仲要係免費。我覺得腐乳通菜同埋蒜蓉焗豪都好抵食！一邊食住豐富嘅食物，一邊等佢自己燒嘢食，絕對回到本呀！我覺得佢自動燒野食真係好方便, 方便嘅原因唔使講啦，你只係要放想食嘅嘢，佢就會自動咁樣平均地轉動，所以燒嘅嘢食，火侯都智岩岩好！趁着冬天要去食多幾次啊！