何蘭正 (已搬遷) 新店位置

假日晚上黎到上環既何蘭正食d小食同飲杯啤酒，剛好坐到鬼佬涼茶字樣牆身旁既長椅。同友人見到餐牌上有道小食叫燒西瓜，全名Burnt Hokkaido scallop w soya avocado causa & seared watermelon，好似好特別同創新既感覺所以就叫左試一試，同時叫左杯啤酒。呢道燒西瓜其實係配左火炙北海道帶子同牛油果醬，一黎到就見到份量其實好細，以百幾蚊既價錢黎講唔算特別便。帶子食落其實口感好好都鮮甜，而燒西瓜就冇想像中咁特別，乾身少少，但都係一道比較有創意既小菜。