古今二 (荃灣千色匯I) (已結業)

今日同男朋友黎到荃灣古今二食日本菜，晚飯時間都好快有位。雜錦天婦羅除左常見既炸蝦天婦羅仲有我最中意既炸紫薯天婦羅，超甜，味道一流！另外仲有未食過既炸秋葵天婦羅，都幾特別。火山個名聽落好特別，佢係一款以卷物為主既菜式。底個層係由卷物堆砌而成，而卷物入而既餡係牛油果肉，十分特別。卷物既上面鋪滿左蝦肉蟹肉，芝士同蟹籽。原條茄子燒同普通既燒茄子唔同既係上面鋪滿左蝦乾，有少少辣，十分惹味。相撲力士又係一種創意名既菜式，係由3種魚生鋪面既卷物。上面有燒汁同沙律醬，魚生片食落新鮮。柚想蝦你佢係一個沙律，份量都幾大，裏面有牛油果，蘋果，車厘茄，沙律菜，蝦肉同蟹籽。