Chotto Maki (漢威大廈) (已結業)

今日天氣唔太凍又唔太熱，仲陽光普照，我同同事就決定買外賣去公園野餐。要揾d容易食又方便，我地一致決定食壽司。我地又想食平少少，但又唔想去買超市壽司，上網揾咗一陣，先揾到呢間。餐廳個門面比較低調，去到附近都要揾咗一陣😅C-Dragon ($68) ⭐️ - 呢款有夠特別炸番薯係壽司卷中間，並配有炸鰻魚、飛魚子再加蛋黃醬同鰻魚汁。個炸番薯雖然夾著係壽司卷嘅中間，又經過由餐廳行去野餐的路程，仲能保持脆脆口感，質素不錯。Chick Chick ($68) - 有4件大大件壽司，由照燒雞，酸黃瓜，牛油果，沙律菜，芋頭片，辣蛋黃醬和黑松露蛋黃醬組成，味道不過不失。Make it Combo (C - 加$48) - 怕唔夠飽，我地叫加錢要個combo, 有兩件帶子壽司、四件三文魚細卷和味噌湯。個帶子好新鮮，仲要大大件，呢個抵食❤️原來食壽司卷都可以做到營養均衡，有飯、有肉，仲有蔬果❤️ 不同食材的口感，再加醬汁調味，豐富層次。之後天氣熱d, 都可以考慮堂食，睇落個裝修同環境都好整潔。