影片
更多
2019-12-27
41 瀏覽
呢日黎到太子，想搵個地方同朋友坐下來吹吹水，雖然附近有好多酒吧但最終黎到呢間窄巷中的小天堂。吃吃串燒，享受下日式串燒下既談天暢聚都好賞心樂事。🔷精選廚師沙律 💰58呢款精選沙律混合左多款新鮮沙律菜，仲有香滑豆腐、車厘茄等，沙律上半層拌上左胡麻醬，食到底部又食到有沙律醋，混合為一非常搭亦都好開胃，當中既豆腐真系超重豆味又香又滑，睇得出廚師系選用食材方面既用心。🔷雞肉串燒 Yakitori 🔹雞尾 💰30平時比較少接觸到既雞尾，今次一嚐，回味無窮。雞尾外皮燒得金香脆口，咬落去油脂味突出亦都又香又嫩滑，可以用鮮美多汁黎形容。🔹雞頸肉 💰48相比雞尾，更難接觸到既非雞頸肉莫屬了，雞頸肉係位於雞頭周邊既肉，咀嚼時口感充滿彈性，富有嚼勁。🔹雞胸脆骨 💰28留意到雞胸脆骨係當日既廚師精選，所以都選左黎食，呢個部位含有豐富既膠原蛋白，食落口感清脆亦都好爽，個人認為係頗為神奇既部位之一。🔹免治雞肉棒拌日本初生蛋 💰38聽廚師介紹呢款用左沖繩既日本初生蛋，係由當地空運到港，無添加任何防腐劑的所以都可以好放心咁撈埋個生雞蛋黎食。雞肉棒燒得質應紮實，帶有少許既焦香味，配搭埋已經攪拌好既生雞蛋同醬油一配食，味道
呢日黎到太子，想搵個地方同朋友坐下來吹吹水，雖然附近有好多酒吧但最終黎到呢間窄巷中的小天堂。吃吃串燒，享受下日式串燒下既談天暢聚都好賞心樂事。
🔷精選廚師沙律 💰58
呢款精選沙律混合左多款新鮮沙律菜，仲有香滑豆腐、車厘茄等，沙律上半層拌上左胡麻醬，食到底部又食到有沙律醋，混合為一非常搭亦都好開胃，當中既豆腐真系超重豆味又香又滑，睇得出廚師系選用食材方面既用心。
🔷雞肉串燒 Yakitori
🔹雞尾 💰30
平時比較少接觸到既雞尾，今次一嚐，回味無窮。雞尾外皮燒得金香脆口，咬落去油脂味突出亦都又香又嫩滑，可以用鮮美多汁黎形容。
🔹雞頸肉 💰48
相比雞尾，更難接觸到既非雞頸肉莫屬了，雞頸肉係位於雞頭周邊既肉，咀嚼時口感充滿彈性，富有嚼勁。
🔹雞胸脆骨 💰28
留意到雞胸脆骨係當日既廚師精選，所以都選左黎食，呢個部位含有豐富既膠原蛋白，食落口感清脆亦都好爽，個人認為係頗為神奇既部位之一。
🔹免治雞肉棒拌日本初生蛋 💰38
聽廚師介紹呢款用左沖繩既日本初生蛋，係由當地空運到港，無添加任何防腐劑的所以都可以好放心咁撈埋個生雞蛋黎食。雞肉棒燒得質應紮實，帶有少許既焦香味，配搭埋已經攪拌好既生雞蛋同醬油一配食，味道成功地中和左，口感亦多左一層滑溜溜既口感。
🔷豚肉/牛肉串燒 Kushi
🔹青葡萄豚肉卷 💰 28
豚肉包住蕃茄卡比就食過，但包住葡萄就真系第一次，估吾到會有呢個combination，非常新穎。食落又真系吾錯，青葡萄好juicy仲要岩岩燒起所以食果時都要小心爆汁同熱，原來青葡熱食都咁甜。
🔹燒汁和牛柳粒 💰48
和牛柳粒口感系入口會溶，食吾到根位之餘咬落仲非常多汁，完全吾會覺得好乾，相信廚師系控制和牛粒既成熟度以及火喉上下了不少真實力。
🔷海鮮串燒 Kushiyaki (Seafood)
🔹白鱔 💰58
白鱔既肉身都幾厚，外皮燒得亦都好香脆，呢款串燒並無用上太多既醬料調配，反而只加入一些調味粉就咁燒，可以完完全全食到白鱔既原汁原味，肉爽多汁配微焦既香脆外皮。
🔷芝麻雞翼 💰48
芝麻雞翼可以話係無論係居酒屋，抑或是日式放題都係經常order到既一款食物，表面鋪滿芝麻粒，雞翼經油炸後外皮金黃酥脆，咬開內裡藏著嫩滑多汁既雞肉，非常香口。
張貼
