影片
更多
2014-02-12
13761 瀏覽
投身社會工作已經踏入第7個年頭...D人話工作都是搵餐晏仔...計我話間中搵餐FINE DINING獎勵自己都不為過吧! 藉口...(笑)AQUA - 已留意了一段時間的餐廳...雖有好評, 但比例上劣評都不少! 餐廳其實細分了Aqua Roma, Aqua Tokyo & Aqua Spirit。因餐廳曾獲得Best italian restaurant in HK 之一, 決定朝意菜出發!一介草民要去這類知名食府都有有少少準備功夫, 首先要book位...第2要識講英文...因為我打去時"唔該, 我想book檯..." 接線生, "hi madam, sorry that i can't speak Cantonese......" Ok, fine! 就你講英文...唔知打去同一集團的<胡同>洗唔洗講普通話? 第3注意dress code要smart casual, 之前見到有食家話因為衣著問題被餐廳拒絕內進。第4, 接線生提醒min. charge HK$480@...入到餐廳, 第一個感覺, 好黑...相信是為了方便給客人欣賞維港夜景吧!Reserved wi
AQUA - 已留意了一段時間的餐廳...雖有好評, 但比例上劣評都不少! 餐廳其實細分了Aqua Roma, Aqua Tokyo & Aqua Spirit。因餐廳曾獲得Best italian restaurant in HK 之一, 決定朝意菜出發!
一介草民要去這類知名食府都有有少少準備功夫, 首先要book位...第2要識講英文...因為我打去時"唔該, 我想book檯..." 接線生, "hi madam, sorry that i can't speak Cantonese......" Ok, fine! 就你講英文...唔知打去同一集團的<胡同>洗唔洗講普通話? 第3注意dress code要smart casual, 之前見到有食家話因為衣著問題被餐廳拒絕內進。第4, 接線生提醒min. charge HK$480@...
入到餐廳, 第一個感覺, 好黑...相信是為了方便給客人欣賞維港夜景吧!
Reserved window seat, 果然完全俯瞰香港最自豪的夜景, 相信餐牌中的一半的價錢都是來自個view!之前都去過THE ONE, I SQUARE 的高層用膳, 的確比不上北京道一號, 時間剛好看到<幻彩詠香江>呢!
入正題, 點菜喇! 跟之前決定一樣朝著意大利菜出發! 落單後, 先奉上Assorted bread。麵包有幾款, 很一般, 但勝在牛油搭救, 牛油是軟身, 帶有濃郁的Vanilla味, 絕對將毫無特別的麵包提昇!!
第一道(前菜) - 煎帶子配濃芝士伴黑松露魚子首先賣相已經好靚, 帶子煎得剛剛好, 不會太乾亦沒有過火...加上黑松露魚子味道很香又能帶出帶子鮮味! 最重要是個汁配合得好好, 所謂的濃芝士其實不是很濃, 反而忌簾味及奶味較重, 質感帶點creamy, 超夾! 唯獨可挑剔的就是份量少了一點, 那麼好味只有3粒...但仍然是推介!!
第二道(前菜) - 香煎鵝肝配車厘子伴甜酒汁鵝肝是我鍾愛的食品之一, 之前還叫友人教我煎鵝肝, 但有時過熟, 仍在努力練習中! 叫這道菜前我都有少少卻步, 雖則我好鍾意鵝肝...但配車厘子?? 再看Aqua全個意式menu只有一道有鵝肝, 即只有一個煮法...相信都有睇頭, 照叫! 鵝肝都頗大及厚, 放在法包上再淋上車厘子伴甜酒汁, 鵝肝剛熟, 外脆內軟, 有少少入口即溶的感覺, 味道很濃郁! 車厘子汁比想像中好, 甜甜酸酸幾開胃...推介!
第三道 (Pasta/Risotto) - 意大利龍蝦飯配南瓜伴杏仁酒跟平時的意大利飯不同, 這裡是用碟上, 舖得平平的! 都有幾多龍蝦, 大多都是鉗肉, 不過有少少煮老了。反而配有南瓜汁的意大利飯很不錯, 飯質剛好, 汁比較'杰'身, 份量剛好有飽肚感!
第四道(主菜) - 燒西班牙黑老豬配糖蘋果, 白甘荀及水洋蔥伴煙紅椒汁(另加馬鈴薯泥)因為友人今日不太想食牛, 所以就試了黑毛豬, 可是大失所望...普通得很! 豬有4片, 肉質尚可, 但那個洋蔥汁只是跟坊間的快餐店鐵板餐的洋蔥汁差不多...至於薯蓉就不過不失, 算是滑身, 但淡味了一點...
第五道(甜品) - 杏仁慕絲配軟紅酒啤梨伴特濃焦糖汁亦是最後一道, 本小姐不是杏仁愛好者, 但見很多食家都大讚, 而且絕少地方有這味甜品。加上友人就快生日, 偷偷加了happy birthday 呢, 呵呵! 杏仁慕絲味道剛好, 杏仁不算很重亦不會很甜, 中間有浸過紅酒的啤梨, 但食落去完全不似啤梨, 但那質感很不錯! 跟杏仁慕絲一齊食的感覺很夾! 雖說焦糖汁是特濃, 但卻濃而不甜, 很精彩的甜品, 推介!
題外話/補充資料：
1) 用餐當日洗手間的地下好濕, 不算整潔, 跟餐廳本身不是很匹配!
2) 餐廳漆黑黑的好似想凝做浪漫氣氛, 但其實都幾嘈....
3) 雖然環境黑, 但仍然見到好幾個明星XD
(以上食評乃用戶個人意見 , 並不代表OpenRice之觀點。)
張貼
