豊勝手丼 (已結業)

下午收工，揾地方食晏，附近登龍街算是食街，係呢度揾食最啱😄行到豊勝手丼，日系風格感覺清新，見餐牌選擇都幾多，餐廳丼飯係用日本米，就睇下有乜好食先🍱餐廳主打嘅係刺身丼，我揀咗份廚師精選壽司定食配腐皮烏冬🍣套餐麵豉湯，沙律同腐皮烏冬麵豉湯味道較淡，沙律菜新鮮開胃，沙律菜多D更好😅，腐皮烏冬份量唔太多，烏冬爽滑，腐皮好香豆味😋刺身壽司壽司有八件，加兩粒玉子，壽司飯同醋嘅比例幾好，醋唔太多，八種唔同口味刺身，海膽、帶子、三文魚、比目魚等，魚刺身鮮味，帶子爽甜，海膽壽司海膽都幾多，入口即溶，好滿足😍餐廳仲提供免費添加白飯，最啱食丼飯嘅大胃王🤣