影片
更多
2018-07-17
775 瀏覽
2人被安排坐二人枱。一坐低，侍應就拎左2杯熱茶同餐牌俾我地。餐牌太多選擇，花多眼亂。本身想食鰻魚飯，但有食評話麻麻就打消念頭。新橋丼($178)刺身有三文魚、油甘魚、吞拿魚各一片，赤蝦一隻、帆立貝三片、海膽同吞拿魚蓉，一次過可以食到七款刺身。刺身係幾好食，但份量太少。壽司飯一舊舊，太硬，似隔夜既感覺，唔好食。冷面普通，基本上係無味，只係用來填飽個肚。(個人口味: 3/5)灸燒小樽丼($148)一上枱就聞到好香既火灸味，有五片火灸三文魚，三薄片火灸帆立貝(以尼個價錢以言份量偏小)，不過食落就一般，屬正常質素。三文魚籽一大堆，亦屬正常質素，無乜特別。壽司飯既份量比平時食既多，大概有130-140%，不過對我而言就太多飯。本身對冷麵有d期待，就留返食完丼先食。但係尼間既冷麵係我唔鐘意既味道，食左兩啖就無食。(個人口味: 3/5)整體而言，環境闊落，枱同枱之間都有空間，唔會好逼，坐得幾舒服。不過價錢偏貴(應該同地區租金有關)，刺身份量偏少，性價比唔高，未必會再幫襯。7點後入座有個龍蝦刺身丼做特價$138(原價$388)，好似幾豐富咁，有興趣既可以試下。註：食完隔左幾個鐘，我地個肚都有d唔舒服。
新橋丼($178)
刺身有三文魚、油甘魚、吞拿魚各一片，赤蝦一隻、帆立貝三片、海膽同吞拿魚蓉，一次過可以食到七款刺身。刺身係幾好食，但份量太少。壽司飯一舊舊，太硬，似隔夜既感覺，唔好食。冷面普通，基本上係無味，只係用來填飽個肚。
(個人口味: 3/5)
灸燒小樽丼($148)
一上枱就聞到好香既火灸味，有五片火灸三文魚，三薄片火灸帆立貝(以尼個價錢以言份量偏小)，不過食落就一般，屬正常質素。三文魚籽一大堆，亦屬正常質素，無乜特別。壽司飯既份量比平時食既多，大概有130-140%，不過對我而言就太多飯。本身對冷麵有d期待，就留返食完丼先食。但係尼間既冷麵係我唔鐘意既味道，食左兩啖就無食。
(個人口味: 3/5)
整體而言，環境闊落，枱同枱之間都有空間，唔會好逼，坐得幾舒服。不過價錢偏貴(應該同地區租金有關)，刺身份量偏少，性價比唔高，未必會再幫襯。7點後入座有個龍蝦刺身丼做特價$138(原價$388)，好似幾豐富咁，有興趣既可以試下。
註：食完隔左幾個鐘，我地個肚都有d唔舒服。
張貼
