唐述

營業中

休息中

好難得今次終於約到朋友一齊黎IFC食呢間中式Fusion菜。 一直都有人話唐述好值得一食，今次終於到我地約到黎食啦。一黎到門口已好有氣勢，好靚，完全係去高級酒店或者藝術中心既感覺。擺設好靚，服務都好周到。 我地點左一個叫世味人生既餐。 開始係慢煮泡椒皇帝帶子，好靚既煙霧迷幻，一啲都唔辣，好鮮味。 跟住3款點心： 黑毛豬叉燒酥，苔菜豆腐，黃袍金衣。 冇諗過佢地既點心咁出色，每樣都有獨特既香味，仲要唔油膩，而紫蘇醬都好襯好好味。 湯係象拔蚌夜香花乾貝燉夏瓜，清熱消暑，一流。黎一支珍寶珠既西瓜冰比人清下口，再開始食濃味啲既餸。 即場噴上5下20年花雕既蛋蒸海蝦，酸菜魚湯底既生煎麒麟魚，又香又脆口，仲夾埋麻香真係一絕。 砂窩蔥香雞好美味，到後來開結飽都想食埋石頭魚節瓜鴛鴦米。最後20年陳皮鐵觀音雪糕真係超香。呢個餐果然係好吸引，唔怪知咁好口碑。