影片
更多
2020-11-10
247 瀏覽
話明係吃貨，難得去開平時唔多去既地方覓食又點會只試一間食店咁少😏早幾篇介紹過紅磡既漢堡包店，第二站就去左呢間bookmark左幾年既麵店💛 (之後仲有第3站😂🙈).不論係食評app定係ig上都唔難發現大家形容呢間麵店既老闆好有個性🙈 幫襯當日果然聞名不如見面，麵店裡裡外外都係老闆手寫既告示🤣可能有人會覺得老闆好惡、好串、懶巴閉咁，但個人就認為一開始寫得清清楚楚，某程度上都係為左減少不必要既紛爭，老闆又可以更專注於製作食物👨🏻🍳，未嘗不可.呢度既點餐方式同其他車仔麵店大同小異，只要係點餐紙上圈最少3樣餸👌🏻 (每款6至12蚊)，再圈個麵底就可以 (15至23蚊，加底多加6 / 8蚊)麵汁有招牌辣汁 / 沙嗲汁 / 牛腩汁 / 清湯可以揀，亦可以加12蚊升級至特濃蕃茄薯仔湯 / 重慶麻辣湯底 / 馬來喇沙湯底🙆🏻♀️值得一提食得辣既朋友記得圈埋免費既香辣菜甫🌶呀，辣辣地都幾惹味，圈漏左就無得補加返架啦🙉 ******************************✨溏心鹵蛋🥚($11) + 黑椒牛筋丸🍥($10) + 香茅魚餅($9) + 蒙麵 ($20) + 馬來喇沙湯底 ($12)🍜
話明係吃貨，難得去開平時唔多去既地方覓食又點會只試一間食店咁少😏早幾篇介紹過紅磡既漢堡包店，第二站就去左呢間bookmark左幾年既麵店💛 (之後仲有第3站😂🙈).
不論係食評app定係ig上都唔難發現大家形容呢間麵店既老闆好有個性🙈 幫襯當日果然聞名不如見面，麵店裡裡外外都係老闆手寫既告示🤣可能有人會覺得老闆好惡、好串、懶巴閉咁，但個人就認為一開始寫得清清楚楚，某程度上都係為左減少不必要既紛爭，老闆又可以更專注於製作食物👨🏻🍳，未嘗不可
.
呢度既點餐方式同其他車仔麵店大同小異，只要係點餐紙上圈最少3樣餸👌🏻 (每款6至12蚊)，再圈個麵底就可以 (15至23蚊，加底多加6 / 8蚊)
麵汁有招牌辣汁 / 沙嗲汁 / 牛腩汁 / 清湯可以揀，亦可以加12蚊升級至特濃蕃茄薯仔湯 / 重慶麻辣湯底 / 馬來喇沙湯底🙆🏻♀️
值得一提食得辣既朋友記得圈埋免費既香辣菜甫🌶呀，辣辣地都幾惹味，圈漏左就無得補加返架啦🙉
******************************
✨溏心鹵蛋🥚($11) + 黑椒牛筋丸🍥($10) + 香茅魚餅($9) + 蒙麵 ($20) + 馬來喇沙湯底 ($12)🍜
喇沙湯底本身附有芽菜同豆卜，麵店再贈幾條生菜，3餸麵黎講呢碗麵都幾豐富🤔
個人認為椰漿味🥥湯頭幾香濃，味道甚至比部分泰越餐廳做得更出色，可惜就辣🌶左少少🤏🏻
同名蒙麵🍜係呢度既特式麵條值得一試，外觀同粗幼度都好似鳥冬，估計製作時應該加入左木薯粉所以外層明顯有層透明膜咁，口感滑捋捋之餘仲好煙韌，而且掛得住d湯汁，食起上黎頗滋味😋
溏心蛋🥚分開上唔怕會整濁個湯底算係麵店既一大貼心位💗 個人認為鹹度剛好都算入味，但就唔係想像中鹵水汁既味道而係偏向用豉油黎鹵，至於溏心效果不錯，口感頗黏下
黑椒牛筋丸🍥入口幾有嚼勁同夠彈牙，黑椒味都幾重而且有牛味🐮非廉價急凍丸既味道；香茅魚餅既香茅味甚為突出，配搭埋喇沙湯底一度有種食緊泰菜既錯覺🤣
-
✨ 新鮮花甲 ($28) + 韮菜餃🥟 ($10) + 蠔仔煎蛋🦪🍳 ($10) + 菜底🥬 ($15) + 特濃蕃茄薯仔湯🍅🥔 ($12) + 香辣菜甫🌶
配料有得揀花甲既麵店相信都無乜邊間，呢度一份花甲大約10隻左右，食落無沙而且都幾新鮮🤔 不過要留意返花甲不設雙份、不後加、不另上，每日售完即止，想試既話就唔好太晏過黎啦🤗
兩隻韮菜餃🥟就脹卜卜，水餃皮夠薄身，入面包滿韮菜碎，唔好韮菜既朋友可能會覺得味道偏濃🤔 至於蠔仔煎蛋🍳都幾厚身，簡簡單單既蔥花足以令味道提升，入面有幾粒蠔仔🦪，夠晒肥美兼重蠔味😋
黎幫襯前剛食完漢堡包🍔，仲要留肚食下一場呢碗就揀左菜底代替粉麵，湯底當然唔少得揀返個相對有營既蕃茄薯仔湯🤣
當日有3款菜底🥬可揀，最後揀左比較少食既通菜，份量同平時茶餐廳一碟油菜差不多🤔湯頭味道都幾清甜，飲落似用真蕃茄🍅熬煮而非用茄膏開出黎，質狀比較稀唔會好杰，另外仲有幾舊大薯仔🥔，好有家的味道😆
美中不足係原來並非每個湯底都夾香辣菜甫🌶，個人認為辣味唔多唔少破壞左呢個湯頭既清淡🙈
-
✨ 招牌蜜汁叉燒串🍢 ($22/串，$42/2串)
由於呢度既燒烤串🍢係即叫即燒需時15-20分鐘而叉燒串更係每檯食客都必點既菜式，所以老闆都講明「叉燒要等，唔等得唔好食」🙈 幫襯當日我地好好彩，落單後唔洗十分鐘有得食🙉
剛燒起既叉燒串熱辣辣之餘，外層搽上滿滿既麥芽糖🍯無論視覺定係味覺上都非常juicy🤤 叉燒內裡醃得夠入味，外層帶有炭燒味仲有d香口，十分惹味可口😋 加上肉質夠淋唔乾柴，不論係咪食肉控相信都無法抗拒🤩 最可惜既係不設加單，意猶未盡想encore多串都唔得😖
******************************
👧🏻人均消費：$90
😋味道指數：4/5
💰抵食指數：3/5
🪑環境指數：2.5/5
💁🏻♀️服務指數：3/5
👍🏻再訪指數：3.5/5
-
📍蒙麵
地址：紅磡差館里9-15號協輝大廈地下1號舖
⏰營業時間：13:00–22:00 (Mon–Sun)
張貼
