影片
更多
2009-09-18
74 瀏覽
今時今日香港嘅食肆林立，真係想食乜都得，想去食番碗雲吞麵就話咁易，要求唔高但求飽肚嘅話，求求其其一間茶餐廳或者去果啲十零蚊有交易嘅乜記物記粉麵舖就得嘞；如果要求高嘅話，咁就要去中環、灣仔、佐敦果頭出名啲嘅雲吞麵舖喇。一碗雲吞麵整得好唔好食，係見仁見智嘅，因為口味與要求係因人而異各有不同吖嘛。(不過小弟就試過有啲真係難食到咬咗半粒雲吞就都唔切出嚟囉！)今次其實想做番啲 "好到底麵家" 嘅補充資料，小弟對上一次入元朗都有慕名而來 "好到底麵家" 一嘗該店馳名嘅蝦子撈麵及雲吞麵，若然問我該店嘅蝦子撈麵及雲吞麵整得好唔好食、啱唔啱口味，我只想說：「可以再好啲嘅......！起碼算係試過囉，算啦！」在歸家途中，想起在某年某月某日收過一啲既有趣味又有歷史性嘅資料，哩啲既有趣味又有歷史性嘅資料，其實係一本小手冊小指引 (即係等同打機果啲攻略本一樣)，哩本小手冊嘅內容係講關於 "一九五四年香港" 生活提要嘅(見圖)，內容如下：1. 日曆、全年公眾假期表2. 港、九海陸交通之一覽3. 日常應急事項4. 衛生一覽5. 寄信須知6. 結婚須知7. 公共廁所地點8. 當押衣物利息計算法9. 最新租例摘要1
想去食番碗雲吞麵就話咁易，要求唔高但求飽肚嘅話，
求求其其一間茶餐廳或者去果啲十零蚊有交易嘅乜記物記粉麵舖就得嘞；
如果要求高嘅話，咁就要去中環、灣仔、佐敦果頭出名啲嘅雲吞麵舖喇。
一碗雲吞麵整得好唔好食，係見仁見智嘅，因為口味與要求係因人而異
各有不同吖嘛。
(不過小弟就試過有啲真係難食到咬咗半粒雲吞就都唔切出嚟囉！)
今次其實想做番啲 "好到底麵家" 嘅補充資料，
小弟對上一次入元朗都有慕名而來 "好到底麵家" 一嘗該店馳名嘅蝦子撈麵
及雲吞麵，
若然問我該店嘅蝦子撈麵及雲吞麵整得好唔好食、啱唔啱口味，
我只想說：「可以再好啲嘅......！起碼算係試過囉，算啦！」
在歸家途中，想起在某年某月某日收過一啲既有趣味又有歷史性嘅資料，
哩啲既有趣味又有歷史性嘅資料，其實係一本小手冊小指引 (即係等同打機果啲
攻略本一樣)，
哩本小手冊嘅內容係講關於 "一九五四年香港" 生活提要嘅(見圖)，
內容如下：
1. 日曆、全年公眾假期表
2. 港、九海陸交通之一覽
3. 日常應急事項
4. 衛生一覽
5. 寄信須知
6. 結婚須知
7. 公共廁所地點
8. 當押衣物利息計算法
9. 最新租例摘要
10. 游泳與旅行
11. 其他衣食住行常識
以當時資訊冇咁發達又冇得上網嘅情況之下，哩本小手冊真係相當實用，
起碼可以知道去邊庶攞出世紙 & 原來大肚婆去東華三院生 BB "要買定草紙六
斤才可到醫院留產" 個喎！(見圖)
但係今次要講嘅重點係......响哩本小手冊最後果頁，有一側指引係介紹去邊庶買
靚嘢食好野嘅，
其中一句係：「元朗好到底麵家雲吞麵別有風味」！(見圖)
嘩...嗄.....當時好到底麵家，原來早在五十幾年前已經係元朗相當之有名嘅雲吞麵
舖嚟嘅，
連一九五四年嘅生活小手冊都推介，想像到當年該店嘅雲吞麵應該係相當不俗，
時移勢易，咁唔知五十幾年後嘅今日，佢嘅雲吞麵風味又有冇變過呢？仲係味咁
吸引人入元朗食佢碗雲吞麵呢？
小弟上次試過佢嘅雲吞麵之後，都覺得佢嘅雲吞麵係同坊間嘅雲吞麵有所不同，
可能哩啲就係叫做 "別有風味" 啩？
若然下次要入元朗又順路嘅話，小弟都會再一嘗哩種 "風味" 嘅........
若然要 "刻意地" 再入元朗一嘗哩種 "風味"的話.......噢，不必了.....我試過了！
張貼
