The Big Things Party (已結業)

南豐紗廠開咗咁耐 今日終於有機會去行下 個環境有啲似中環街市嘅工廠文藝風 而且仲有好多主人帶住狗狗黎行 超級Cutie 呢度有好幾間餐廳大部分餐廳都係Pet Friendly 我哋就去咗The Big Thing Party食個小食 飲下嘢飲 攤抖下叫咗炸薯條 章魚小丸子同埋炸雞沙律 食物新鮮整起 熱辣辣 炸薯條係粗薯 所以好夠薯味 章魚小丸子外皮脆卜卜 有細細粒嘅魷魚仔係中間 炸雞沙律就有五件炸雞配埋啲椰菜絲做底 食完鹹點我哋食甜點 叫咗個Hazelnut蛋糕 蛋糕都幾鬆軟 亦唔會過甜 至於飲品我哋叫咗d罐裝樽裝飲品 但當然呢度亦有啲係佢哋自己條仔嘅飲品啦餐廳當日有小朋友包咗半個場開生日Party 餐廳本身仲有個大Playground可以俾小朋友放電 我見啲小朋友都玩得好開心 另外呢度嘅餐點有一啲係狗狗都可以食 所以都有啲人係帶埋自己嘅寵物黎 可以話係岩哂男女老少同寵物