影片
更多
2023-02-04
246 瀏覽
今年過年我就過癮喇一共放咗六日年假，可以陪老婆大人過年開心到佢不得了呀，喺年初四仲約埋一班好朋友走咗去食開年飯，人哋多數食中菜我哋梗係型仔破格食日本菜啦。喺邊度食唔使揀去我哋兩公婆最鍾意嗰間鵜舞啦，貪佢地點方便食物出色價錢又唔貴，所以一想起食日本嘢就會過嚟呢度開餐。見到好朋友梗係要派咗利是先啦然後第一時間就係開餐，首先整返個燒厚揚豆腐嘆吓，豆腐面頭燒到脆脆咁入面就好鬼軟滑，仲有醬油同木魚兩款味道任揀喱個前菜幾好食喎。跟住喱一個係鹽燒阿波尾雞髀肉，雞皮又香又脆雞肉滑嘟嘟咁勁多汁果然係鵜舞嘅名物。雞髀肉係掂不過都唔夠喱個鹽燒特上牛舌正斗，牛舌嘅外層焦香咬落去好有彈性，入面仲見到粉嫩嘅色水食落有濃郁嘅牛舌香味，我諗我食咗半碟都有呀哈哈。喱個係朋友鍾意食嘅招牌辣吞拿魚腩卷，可惜入面有紫菜我就幫大唔到家口喇，不過見到減緊肥嘅老婆大人竟然食咗兩舊我就知有幾正啦。喂今次有新嘢喎！喱一個係下田師傅嘅燒鳥重入面仲包埋有前菜、漬物同埋味噌湯，食完喱個燒鳥重應該會好鬼滿足，好彩我哋勝在人多一人食啲就可以KO咗佢。燒鳥重入面有好豐富嘅配搭有整到好香滑嘅玉子燒，入面有粒粒軟骨嘅雞肉棒，然後仲有雞腿肉同埋雞頸肉喺
喺邊度食唔使揀去我哋兩公婆最鍾意嗰間鵜舞啦，貪佢地點方便食物出色價錢又唔貴，所以一想起食日本嘢就會過嚟呢度開餐。
見到好朋友梗係要派咗利是先啦然後第一時間就係開餐，首先整返個燒厚揚豆腐嘆吓，豆腐面頭燒到脆脆咁入面就好鬼軟滑，仲有醬油同木魚兩款味道任揀喱個前菜幾好食喎。
跟住喱一個係鹽燒阿波尾雞髀肉，雞皮又香又脆雞肉滑嘟嘟咁勁多汁果然係鵜舞嘅名物。
雞髀肉係掂不過都唔夠喱個鹽燒特上牛舌正斗，牛舌嘅外層焦香咬落去好有彈性，入面仲見到粉嫩嘅色水食落有濃郁嘅牛舌香味，我諗我食咗半碟都有呀哈哈。
喱個係朋友鍾意食嘅招牌辣吞拿魚腩卷，可惜入面有紫菜我就幫大唔到家口喇，不過見到減緊肥嘅老婆大人竟然食咗兩舊我就知有幾正啦。
喂今次有新嘢喎！喱一個係下田師傅嘅燒鳥重入面仲包埋有前菜、漬物同埋味噌湯，食完喱個燒鳥重應該會好鬼滿足，好彩我哋勝在人多一人食啲就可以KO咗佢。
燒鳥重入面有好豐富嘅配搭有整到好香滑嘅玉子燒，入面有粒粒軟骨嘅雞肉棒，然後仲有雞腿肉同埋雞頸肉喺入面，下面係超好味嘅北海道夢美人飯，雞油嘅香味加埋炭燒嘅味道喱個燒鳥重真係好食到不得了。
跟住我哋要嘆喱一個係老婆大人大讚嘅蝦餅飯，喱個一樣都有漬物同味噌湯跟埋一齊上。
喱個蝦餅係天婦羅疋田師傅嘅精心炮製，第一次食嘅我一啖咬落去真係有超滿足嘅口感，蝦餅炸到又薄又脆但入面嘅蝦肉仲係好有彈性，配埋香軟嘅日本米真係食到我舔舔脷呀。
淨係食疋田師傅嘅蝦餅飯梗係唔夠喉啦！我哋仲要食埋佢嘅天婦羅丼，一係唔食一食就食足八款嘅天婦羅，如果你胃口細又或者冇咁多人分享可以叫五款嘅天婦羅丼㗎。
好開心我分到最鍾意嘅天婦羅蝦，天婦羅漿好輕薄一擺入口卡嚓一聲好鬼香脆，入面隻蝦當然係新鮮又彈牙嗰隻啦，鍾意食天婦羅嘅朋友一定要嚟試吓呀。
最後梗係要甜甜蜜蜜咁整返個雪糕啦。
今日嘅味道係芝麻味雪糕，濃郁嘅芝麻香味加埋凍冰冰嘅雪糕喺冬天食就最過癮。
UMAI 鵜舞
電話：27438011
地址：荔枝角長義街9號D2 Place一期地下2號舖
張貼
